Nantesko uharteko makinak

Itsasoko Munduen Karrusela.

Lertxunen zuhaitza.

Nantesko uharteko makinak (frantsesez: Les Machines de l'île de Nantes) Nantesko uhartearen iparraldeko ertzean kokaturik dagoen animazio erakusketa ezaguna da, Nantes hirian dagoena. Parc des Chantiers (lengileen parkea) aisialdi eremuaren bardean daude makina erraldoi hauek.

Historia

Nantes hiriaren ikonoa izateko asmoarekin eraiki zen, amets eta fantasiazko hiri kreatiboa dela erakusteko. Aintzinako ontziola eta biltegiak aprobetxatuz François Delarozière eta Pierre Orefice artistek hiriko semea zen Jules Verne-ren "mundu imaginarioak" hartu zituzten eredu, bai eta Leonardo da Vinci-en unibertso mekanikoa ere. 2007an inauguratu zuten.

Proiektuak

Hiru proiektu nagusi ditu:

Elefante Handia

2007an eraiki zuten eta lehenengo makina izan zen. 12 metrotako altuera dauka eta 8 metrotako zabalera. Egurrez eta altzairuz eginda dago eta 45 tona pisatzen ditu. Hiru ordu laurdeneko ibilbidea egiten du, tronpatik ur zorrotadak boteaz, eta 49 pertsona hartzen ditu barnean.

Itsasoko Munduen Karrusela

25 metrotako altuera eta 20 metrotako diametroa dituen karrusel hau 2012an inauguratu zuten. Hiru solairu ditu, ozeano hondoa, ur sakonak eta itsasontziak. Guztira 35 izaki itsastar mugikor ditu barnean.

Lertxunen zuhaitza

2014an inauguratu zen eskultura erraldoia da. 45 metrotako diametroa dauka eta 28 metrotako altuera. Biritariak zuhaitzaren besoetan gora igo daitezke, zintzilik dituen loreen artean. Puntu gorenean bi lertxun ditu.

Kanpo estekak

• (Gaztelaniaz)(Frantsesez)(Ingelesez) Webgune ofiziala

• Datuak: Q1820547
• Multimedia: Les Machines de l'île / Q1820547