Niloren delta

Niloren delta
Niloren delta
Mota	Ibai delta
Geografia
Koordenatuak	30°54′N 31°07′E / 30.9°N 31.12°E

Niloren delta^[1] Mediterraneoan itsasoratzean Nilo ibaiaren metaketa alubialek eratutako lurraldea da.

Egipto iparraldean dago eta munduko delta handienetako bat da. Gutxi gora-behera, Alexandriatik (mendebaldean) Port Saidera (ekialdean) hedatzen da, 230 kilometroko kostaldearekin. Hegoaldean Kairoraino iristen da (itsasaldetik 150 kmra). Delta (Δ) hizki grekoaren forma du eta hortik datorkio antzinako greziarrek eman zioten izena. Lurralde emankorra da, oso egokia nekazaritzarako, eta biztanle dentsitate handikoa.

Antzinako Egipton, lurralde hauei Behe Egipto deitzen zitzaien.

Deltaren hazkuntza[aldatu | aldatu iturburu kodea]

Aswango presa eraiki zen arte, lupetzen ekarpenak zirela eta, urtean, batez beste, lau metro luze eta kilometro karratu bat luze-zabal handitzen zela jotzen da (gutxi gora-behera, Vatikanoren azaleraren bikoitza).

Egiptoko I. dinastiaren garaietatik, delta 3000 kilometro karratu handitu da (gaur egungo munduko nazioen laurdenek duten azalera baino gehiago).