Noelia Lorenzo Pino

Wikipedia, Entziklopedia askea
Hona jauzi: nabigazioa, Bilatu
Noelia Lorenzo Pino
Bizitza
Izen osoa Noelia Lorenzo Pino
Jaiotza Irun1978ko azaroaren 9a (39 urte)
Herrialdea  Gipuzkoa, Euskal Herria
Jarduerak
Jarduerak idazlea

Noelia Lorenzo Pino (Irun, 1978ko azaroaren 9a) nobela beltza generoa lantzen duen idazlea da.

Biografia[aldatu | aldatu iturburu kodea]

Noelia Lorenzo Pino Irunen sortu zen 1978an, Lanbide Heziketa ikasketak egin zituen eta ebaketa eta jantzigintza irakaslea da. Bere bide profesionala moda munduan garatu du[1].

2006an bere moda enpresa propioa ireki zuen, Zoe deiturikoa, bere arreba Soniarekin batera baina, krisialdiaren ondorioz 2010ean itxi izan behar zuten[2].

Nahiz eta gutxi irakurtzen zuen, txikitatik olerkiak eta ipuinak idazten zituen. Antzerki tailer bat egin eta gero lagun batekin antzerki gidoi bat idatzi zuen. Chamusquina, lehen eleberria hasi zuenean nobela beltzeko ikastaro bat egin zuen eta honek Chamusquina berridatzi eta bukatzera eraman zuen[3].

2013an bere lehen nobela beltza argitaratu zuen Chamusquina (Dauro, 2013). Argitaletxe txikia zenez ez zuen promozio handirik izan, ahoz ahokoak mugitu zuen eleberria.[3]

Hurrengo biak, La sirena roja (Erein, 2015)[4] eta La chica olvidada (Erein, 2016)[5] izan ziren. Noelia Lorenzo Erein argitaletxearen Cosecha roja bilduman parte hartzen duen lehen emakumea da[6].

Lanak[aldatu | aldatu iturburu kodea]

  • Chamusquina (Dauro, 2013)
  • La sirena roja (Erein, 2015)
  • La chica olvidada (Erein, 2016)

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Noelia Lorenzo Pino erabiltzailearen orria, Facebook zerbitzuan