Nork (eleberri grafikoa)
Nork | |
---|---|
Datuak | |
Idazlea | Xabier Paya eta Patxi Gallego (2015) |
Argitaratze-data | 2015 |
Generoa | Eleberri grafikoa |
Jatorrizko izenburua | Nork |
Hizkuntza | Euskaraz |
Herrialdea | Euskal Herria |
Ilustratzailea | Patxi Gallego |
Orrialdeak | 142 |
ISBN | 771137 248610 9 771137 248610 |
Nork Bertsolari aldizkariak bere ehungarren zenbakia ospatzeko, 2015eko neguan plazaratu zuen eleberri grafikoa da. Xabi Payak gidoia prestatu zuen eta Patxi Gallegok irudiak egin zituen. Ikuspuntu komiko eta kritiko batetik, argumentua bertsolaritzaren munduan kokatu egiten da.
Argumentua[aldatu | aldatu iturburu kodea]
Eleberriak thriller komikoaren itxura du. 2013an Bertsolari Txapelketa Nagusia ospatzen ari dela, Andoni Egaña, justu txapeldunaren agurra bota behar duenean, elektrokutatuta hil egiten da. Hasieran istripu bat ematen du baina laster hilketa baten susmoak zabaltzen dira. Kasua argitzeko Segurtasun Sailak bere agente onenak lanean jarri ditu: Amezketako aguazila, Bertsocop, Jesika Fletxeberria eta Amaia Ezpeldoi. Halaber, Anjel Mari Peñagarikanoren etxean, seguritate sistema osoa gainditu ondoren, lapur bat sartu da eta 1991ko Bertsolaritzaren Gipuzkoako Txapela lapurtu du. Txapela hori ez dirudi gauza garrantzitsua denik baina barruan Bertsozaleak Kultur Elkartearen etorkizuna arriskuan jar daitekeen dokumentua ezkutatuta dago. Bi ekintza hauen atzean, antza, Euskal Idazleen Elkartearen partaide bat egon daiteke. Datu horiek eskuan, lau ikertzaileek haien lanari ekin diote.[1]
Erreferentziak[aldatu | aldatu iturburu kodea]
- ↑ .
Bibliografia[aldatu | aldatu iturburu kodea]
Nork, Xabi Paya (gidoia) eta Patxi Gallego (irudiak). Bertsolari 100.zk., 2015eko negua. 142.or. ISBN: 9 771137 248610.