Andoni Egaña

Andoni Egaña
(2009) Irudi gehiago
Bizitza
Jaiotzako izen-deiturak	Andoni Egaña Makazaga
Jaiotza	Zarautz, 1961eko urriaren 2a (64 urte)
Herrialdea	Gipuzkoa, Euskal Herria
Hezkuntza
Heziketa	Euskal Herriko Unibertsitatea
Hizkuntzak	euskara gaztelania
Jarduerak
Jarduerak	idazlea, bertsolaria eta poeta
Jasotako sariak	ikusi Gipuzkoako Urrezko Domina  (2006)
Kidetza	Euskaltzaindia

Andoni Egaña Makatzaga (Zarautz, Gipuzkoa, 1961eko urriaren 2a) bertsolaria, idazlea eta bertsolaritzaren inguruko ikertzailea da. Euskal Filologian lizentziatua da, eta lau aldiz irabazi du Bertsolari Txapelketa Nagusia (1993, 1997, 2001 eta 2005). Euskaltzaindiako euskaltzain urgazlea da (2006ko maiatzaren 26az geroztik).

Bizitza eta prestakuntza

Zarautzen jaio zen 1961eko urriaren 2an. Euskal Filologian lizentziatua da. 1985etik 1992ra Vitoria-Gasteizko Udalean kultura teknikari aritu zen, eta ondoren sorkuntzaren esparrura erabat eman zuen bere jarduna.

Bertsolaritza

Lehenengo finala 1986anː Jon Enbeita, Peñagarikano, Iñaki Murua, Lopategi Amuriza, Sebastian Lizaso, eta Andoni Egaña. Jon Sarasua falta da argazkian. Lizaso izan zen txapelduna.

Hasierak

BDBren arabera, bere lehen plazako jarduna 1981eko irailean egin zuen, Itziarren (Salegi jatetxean), ezkontza bateko saioan. EITBk egindako elkarrizketa batean, halaber, bertsotan 1982 inguruan hasi zela azaldu izan da, eta neurri handi batean bere kasa ikasi zuela, besteak beste Xabier Amurizaren bertsoak entzunez.

Txapelketak

• Bertsolari Txapelketa Nagusia:
  • Txapelduna (4): 1993, 1997, 2001 eta 2005
  • Finalista (7): 1986, 1989, 1993, 1997, 2001, 2005, 2009.
• Gipuzkoako Bertsolari Txapelketa:
  • Bigarrena 1991an.
  • Herri arteko Bertsolari Txapelketa (1): 1999 (Zarauzko taldean)

Sariak

• Lizardi saria (1): 1982
• Zarauzko Kopla Txapelketa (1): 2016

Ikerketa, teoria eta dibulgazioa

Bertsolaria izateaz gain, bertsolaritzaren teoria, azterketa eta transmisioaren inguruan ere jardun du, eta hainbat lan eta proiektutan parte hartu izan du bertsoaren sorkuntza-prozesua azaltzeko eta aztertzeko. Besteak beste, Joxerra Garzia eta Jon Sarasua-rekin batera Bat-bateko bertsolaritza. Gakoak eta azterbideak lanarekin lotu izan da (bertsolaritzaren azterketarako erreferentziazko lanetako bat bezala zabaldua).

Hedabideak

Zutabegile gisa aritu da Berria egunkarian, bere egile-orrian ikus daitezkeen artikuluekin.

Lanak

Narratiba

• Sokratikoek ere badute ama ipuin bilduma (1989, Erein)

• Pausoa noiz luzatu (1998, EEF-Alberdania). 1999 Euskadi Literatura Saria.

Saiakera

• Hogeita bina (2004, Hariadna)

• Zozoak beleari (1997, Alberdania): Jon Sarasuarekin batera

Haur eta gazte literatura

• Mendian (2000, Alberdania)
• Zaudete geldi pixka batean (1999, Elkar)
• Niri ez zait futbola gustatzen, eta zer? (2000, Elkarlanean)

Biografia

• Imanol Urbieta. Luzea da bidea (2002, Ibaizabal)
• Basarri (1999, Sendoa)

Bertso saioa Allurralden (Andoain, 1995-03-19. Aiurri aldizkaria)

Artikuluak

• Aitaren batean (1990, Elkar)

Beste generoak

• Bat-bateko bertsolaritza: gakoak eta azterbideak (2001, Bertsozale elkartea) Jon Sarasua eta Joxerra Garciarekin batera. Lau hizkuntzatan argitaratu da.

Diskak

• Tximeletak sabelean (1994, Kea). Bertso musikatuak.

Ikus, gainera

• Zarauztar ospetsuen zerrenda

Kanpo estekak

• «Andoni Egaña», Literaturaren Zubitegia.
• Elkarrizketa Argia astekarian
• Andoni Egaña BDB Bertsolaritzaren datu-basea

• Datuak: Q8198780
• Multimedia: Andoni Egaña / Q8198780
• Aipu famatuak: Andoni Egaña