Norman McLaren
Norman McLaren (Stirling, 1914ko apirilaren 11 - Montreal, 1987ko urtarrilaren 27a) Kanadako zinema zuzendaria izan zen. Sortzez eskoziarra, Glasgowen hazia. Hango Zine Kluba sortu eta kamerarik gabeko filmak egiten hasi zen, filmaren negatiboa zuzenean inprimatuz. Abstraktua landu zuen, eta paper zatiz eginiko marrazki biziak sortu zituen, irudi eta soinu zoragarritan. Montrealgo zinema-marrazkigintza industriaren antolatzailea ere izan zen, eta han egin zituen lan nagusiak. Unesco erakundearen eskariz, bere teknikaren berri eman zuen Txinan eta Indian. XX. mendearen erditik aurrerako zinemagile esperimental garrantzizkoena izan zen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.