Notre-Dameko aldare-mahaia (2024)

Notre-Dameko aldare-mahaia (2024)
	Irudi gehiago
Jatorria
Sortzailea(k)	Guillaume Bardet (en)
Sorrera-urtea	2024
Ezaugarriak
Materiala(k)	brontzea
Deskribapena
Honen parte da	reopening of Notre-Dame de Paris (en)
Kokapena
Lekua	Parisko Notre-Dame katedrala

Parisko Notre-Dameko aldare-mahaia 2024an egindako aldara-mahai eskultural bat da, Notre-Dameko sutearen ondorengo berrirekieran inauguratu zelarik 2024ko abenduan. Notre-Dame katedraleko koroaren aurrealdean dago kokatua.

Sorkuntza

2019ko sutean aurreko aldare-mahaia kaltetua geratu zen. Jean Touret eskultorearen lan bat zen, 1989an ezarria eta Jean-Marie Lustiger artzapezpikuaren enkarguz sortua.^[1]

Touretena ordezkatzeko lehiaketa egin zen eta 70 artistaren lanak aztertu zituzten.^[2] Gero 5 finalistara murriztu zen lehiaketa, eta azkenean Guillaumne Bardet altzari-diseinatzailearen proiektuak irabazi zuen.^[3]

Ezaugarriak

Aldarea brontzez egina dago. Aldi berean erlikia-ontzia ere bada, irekiera zeremonian bost santuren erlikiak sartu baitzituen barrura, sagaratzeko unean, Laurent Ulrich artzapezpikuak, 2014ko abenduaren 8an. Hiru emakumezko eta bi gizonezko hauen erlikiak geratu ziren barruan hain zuzen:^[4]

Madeleine Sophie Barat santua, 1800ean Jesusen Bihotzaren ahizpen kongregazioaren sortzailea, 1925ean kanonizatua;
Maria Eugenia Jesusena, 1839an Jasokundeko mojen kongregazioaren sortzailea, 2007an kanonizatua;
Katalina Labouré santua, ama birjinaren ikuskariek ukitua 19. mendean, 1947an kanonizatua;
Charles de Foucauld santua, Sahara kolonizatuan misiolari zela 1916an bertakoek hila, 2022an kanonizatua;
Vladimir Ghika, martiria Errumania komunistan 1950eko hamarkadan, 2023an dohatsu egina.

Bardetek artzapezpikuaren eta laguntzaileen aulkiak ere diseinatu zituen, baita bataiarri berri bat, eta aldare gaineko kaliza eta ontzi erritualak.^[5]