Paul Tortelier

Paul Tortelier
	; Irudi gehiago
Bizitza
Jaiotza	Paris, 1914ko martxoaren 21a
Herrialdea	Frantzia
Heriotza	Chaussy, 1990eko abenduaren 18a (76 urte)
Familia
Seme-alabak	ikusi Maria de la Pau Tortelier (en) ; Yan Pascal Tortelier (en) ;
Hezkuntza
Heziketa	Parisko Kontserbatorioa
Hizkuntzak	frantsesa
Irakaslea(k)	Louis Feuillard (en) ; Gérard Hekking (en)
Ikaslea(k)	ikusi Jacqueline du Pré; Anne Gastinel (en) ; Philippe Muller;
Jarduerak
Jarduerak	musikagilea, biolontxelista, musika-irakaslea eta unibertsitateko irakaslea
Enplegatzailea(k)	Parisko Kontserbatorioa
Mugimendua	musika klasikoa
Genero artistikoa	musika klasikoa
Musika instrumentua	txeloa

Paul Tortelier (Paris, 1914ko martxoaren 21a - Chaussy, 1990eko abenduaren 18a) frantses biolontxelo-jotzaile eta musikagilea izan zen, XX. mendeko biolontxelo-jotzaile nagusietako bat.

Parisko Kontserbatorioan egin zituen ikasketak. 1930ean interpretazioko lehen saria irabazi zuen Elgarren biolontxelo kontzertua joaz. 1931n bakarlari gisa debuta egin zuen Parisko Lamoureaux Kontzertuetan. 1937an Estatu Batuetara joan zen, Bostongo Sinfonikoak kontratatuta, eta bi urte geroago itzuli zen, Parisko kontserbatorioak kontratatuta. 1947an Richard Straussen On Kixote obran bakarlari gisa jo zuen, Londresen, Thomas Beechmanen zuzendaritzapean. Gero, Bostongo Sinfonikoaren, Amsterdamgo Concertgebouwen eta Berlingo Filarmonikoaren eskaintzak jaso zituen bakarlari gisa aritzeko. 1957an Parisko Kontserbatorioko irakasle izendatu zuten eta maisu eskolak eman zituen BBC telebista katearentzat ere. 1946an bere ikasleetako batekin ezkondu zen, eta hiru seme izan zituen; hirurak dira, egun, musikari profesionalak. Orkestra zuzendari gisa ere lan egin du, eta musikagile gisa, aipagarriak ditu, besteak beste, Symphonie israélienne (Israeldar sinfonia) eta biolontxelorako zenbait obra, sonata bat, suite bat eta kontzertu bat bi musika tresnentzat.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q465459
Multimedia: Paul Tortelier / Q465459