Pilates

Wikipedia, Entziklopedia askea
Jump to navigation Jump to search
Pilates eskola

Pilates metodoa, edo bakunki Pilates Joseph Hubertus Pilates-ek XX. gizaldian sortutako soin eta gogo trebaketa sistema da. Pilates-ek metodoa soinketa, traumatologia eta yoga ezagutzetan oinarrituta sortu zuen; bizitasuna eta gihar-indarra gogoaren kontrolarekin, arnasketarekin eta erlaxamenduarekin uztartuz.

Hastapenetan Pilatesek Kontrologia izena eman zion, soina kontrolatzeko gogoaren erabilera azpimarratzen baitu, beti ere elkarren arteko oreka eta batasuna bilatuz. Metodoa barne giharren garapenean ardaztuta dago, soinaren orekari eusteko eta bizkarrezurrari egonkortasuna eta irmotasuna emateko. Hori dela eta, Pilates metodoa birgaitze terapietan oso erabilia da, esaterako, bizkarreko mina saihestu eta sendatzeko. Mundu osoan zehar egiten da eta gero eta ospe handiagoa dauka, musika, zinema, dantza edota kirol arloetako pertsona ospetsu ugarik burutzen dutelako.