Pocono mendiak (ingelesez: Pocono Mountains) ipar-ekialdeko Pennsylvaniako eskualde geografiko, geologiko eta kulturala da. Allegheny ordokiaren zati bat osatzen dute. Poconoak (ingelesez: The Poconos, ˈpoʊkəˌnoʊz ahoskatua) 6.200 km²-ko azalera duen Delaware ibaiaren gaineko malkar bat osatzen dute. Iparraldean Wallenpaupack aintzira, mendebaldean Wyoming harana eta Ikatzaren eskualdea eta hegoaldean Lehigh harana ditu. Izena munsee hizkuntzakoPokawachne hitzetik ekarria da, euskaraz "bi muinoen arteko erreka" esan nahi duena.[1]