Arabisagar

Arabisagar
	Irudi gehiago
Sailkapen zientifikoa
Erreinua	Plantae
Ordena	Sapindales
Familia	Rutaceae
Leinua	Citreae
Generoa	Citrus
Espeziea	Citrus paradisi; Macfad
Datu orokorrak
Gizakiak ateratzen dizkion produktuak	grapefruit (en) , grapefruit oil (en) , grapefruit juice (en) eta grapefruit peel (en)

Fruitua.

Arabisagarra, pomeloa (Heg.) edo panplemuza (Ipar.)^[1] (Citrus x paradisi) Rutaceae familiako zuhaitza eta fruitua da.

Hainbat hizkuntzatan pomelo eta panplemuza hitzak Citrus maxima espeziea izendatzeko erabiltzen dira, eta ez Citrus x paradisi espezierako; esaterako, ingelesez, danieraz eta portugaleraz pomelo esaten zaio espezie hari, eta alemanez, espainieraz eta nederlanderaz panplemuza hitzaren aldaera bat.

Zuhaitza laranjondoaren antzekoa da, eta haren neurria izan dezake (4-6 m). Hosto ugari ditu, berde ilun distiratsuak. Loreak zuriak dira, laranjarenak baino handixeagoak. Fruitua horia edo laranja kolorekoa da, eta laranja ertain bat baino bi aldiz handiagoa.

Jateko ona da; ur ugari izaten du, eta zapore garratzekoa da. C bitamina asko du, laranjak eta limoiak bezala. Jamaikan sortua dela uste da, hibrido gisa, Citrus maxima arabisagarraren aldaera gisa.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.