Portugaleteko herriko etxearen aurkako atentatua1987koapirilaren 25ean herri horretako PSE alderdiko egoitzaren aurka izandako atentatua izan zen, Mendeku kolektiboa izeneko ezker abertzaleko gazte talde autonomo batek egoitza barrura molotov koktelak jaurtikiz burutu zuena. Erasoan jasandako erreduren ondorioz, María Teresa Torrado eta Félix Peña PSE alderdiko kideak hil ziren handik egun gutxitara. Herri Batasunako Mahai Nazionalak, garaiko ezker abertzaleko erakunderik nagusienak, atentatua gaitzetsi zuen eta egileen taldea Euskal Nazio Askapenerako Mugimenduaren etsaitzat jo zuen. Poliziak atentatuaren ustezko egileak atxilotu zituen eta batek egun gutxitara aurkeztu zen bere kabuz poliziaren aurrean. Ondorengo epaiketan, atentatuan parte hartu izana aitortu zuten.
Datuak: Q12266155
