Pseudorasbora parva

Wikipedia, Entziklopedia askea
Pseudorasbora parva
Pseudorasbora parva(edited version).jpg
Iraute egoera
Sailkapen zientifikoa
ErreinuaAnimalia
FilumaChordata
KlaseaActinopteri
OrdenaCypriniformes
FamiliaCyprinidae
GeneroaPseudorasbora
Espeziea Pseudorasbora parva
(Temminck & Schlegel, 1846)[1]

Pseudorasbora parva Pseudorasbora generoko animalia da. Arrainen barruko Actinopterygii klasean sailkatzen da, Cyprinidae familian. Espezie inbaditzailea izanik, Europan asko zabaldu da beste espezieak arriskuan jarriz.[2]

Banaketa[aldatu | aldatu iturburu kodea]

Ekialde urrunekoan du bere jatorria, Japonian, ekialdeko Txinan, Korean, Taiwan eta Amur ibaiaren arroan. 1960ko hamarkadan sartu zen Europan Nuceteko urmael batzuetan, Errumaniako Dâmbovia barrutian, eta Danubio ibairako bidea hartu zuen, ondoren kontinenteko lurralde osoan zehar zabaltzeko.

Ezaugarriak[aldatu | aldatu iturburu kodea]

Gorputza luzea du, ziprinidoen artean ohikoa, eta hezur ganbila du. Zilar-koloreko larruazala marroia du, eta lerro horizontala alboetan. Sabela zurixka da. Ezkatak kolore ilunez inguratuta daude. Bere hegalak gorrixkak dira. Gehienez ere 11 zm.-ko luzera du.

Baditu depredatzaile batzuk, besteak beste, Amerikar perka eta Lutxo arrunta.

Intsektuak, arrain txikiak, larbak eta beste arrain batzuen arrautzak jaten ditu. Talde txikietan bizi dira.

Ugalketa-etapa, Europan, apirila eta ekaina bitartean gertatzen da itsasertzetan. Emeak errunaldian haitzetan, landareetan, harean edo moluskuetan barrunbe bat bilatzen du. Gero, arrautza txikien ilara bat desobiratuko du. Ernaldu ondoren, arrak habia zainduko du, eta arrautzen eklosioa gertatu arte bertan egongo da.

Arriskua[aldatu | aldatu iturburu kodea]

Espezie honek arrisku handia sortzen die beste ziprinido batzuei, hala nola Leucaspius delineatus espezieari, parasitoaren ostalari baitira (Sphaerothecum destruens). Parasito horiek ez diote kalterik egiten Pseudorasbora parva espezieari, baina bereziki kaltegarria da beste arrain batzuekiko, hala nola karpinentzako, haien desobiratzea eragotziz eta, infektatuak izanez gero, haien heriotza-tasa handituz. Horregatik, Europan, debekatuta dago espezie hau zabaltzea.[3]

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. (Ingelesez) FishBase
  2. "REGULATION (EU) No 1143/2014 of the European parliament and of the council of 22 October 2014 on the prevention and management of the introduction and spread of invasive alien species". [1]
  3. NOBANIS – Pseudorasbora parva facts. Online Database of the North European and Baltic Network on Invasive Alien Species.[2]

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]