Rasmus Windingstad

Rasmus Windingstad
Irudi gehiago
Bizitza
Jaiotza	1993ko urriaren 31 (30 urte)
Herrialdea	Norvegia
Familia
Anai-arrebak	ikusi Tobias Windingstad (en)
Jarduerak
Jarduerak	eskiatzaile alpinoa

Rasmus Windingstad (Asker, Norvegia, 1993ko urriaren 31) eski alpinoko eskiatzaile norvegiarra da. Bere diziplina indartsuenak eslalom erraldoia eta super-erraldoia dira.

Biografia

Windingstadek 2008ko azarotik aurrera hartu zuen parte FIS lasterketetan. 2011ko udaberrian lortu zuen lehen saikapena laster-lekuan. Lesio baten ondorioz 2011/2012 denboraldi osoa pausatu behar izan ostean, 2012/2013ko neguan lortu zituen lehen garaipenak lasterketa-kategoria honetan. 2013ko azaroaren amaieran hasi zen parte hartzen Europako Kopako lasterketetan. Bere hirugarren aldian, 2013ko abenduaren 3an, lehen hamarren artean amaitu zuen Klövsjö/Vemdalen-eko eslalom erraldoian. Lehen 10en arteko beste bi lorpenen ostean, 2014ko otsailaren 2an debutatu zuen Munduko Kopan, eta, San Moritzeko eslalom erraldoian, erretiratu egin zen lehen itzulian. Geroago, 2013/2014ko neguan, Jasnáko Junior mailako Munduko Txapelketan parte hartu zuen, eta brontzezko domina irabazi zuen eslalom erraldoian.

2014ko martxoaren 11n, Windingstad hirugarren izan zen Soldeuko eslalom erraldoian, Europako Kopako podiumean lehen aldiz, eta, 2014ko abenduaren 18an Pozza di Fassa-n, txanda horretako lehen lasterketa irabazi zuen diziplina berean. 2015eko abenduaren 6an lortu zituen bere lehen Munduko Kopako puntuak, 28. postua eginez Alta Badiako Gran Risako eslalom erraldoian. Handik gutxira, puntuetan beste bi emaitza izan arren, Europako Kopan soilik hartu zuen parte 2015/2016ko negu osoan, eta beste podium bat lortu zuen. 2016/2017 denboraldian, Windingstadek behin bakarrik amaitu zuen puntuetan Munduko Kopan. Europako Kopan, berriz, podiumeko lau postu lortu zituen, tartean, Jasnáko eslalom erraldoiko garaipena.

2017/2018 denboraldia motel hasi ostean, Windingstad 8. postuan sailkatu zen Kranjska Gora-ko eslalom erraldoian 2018ko martxoaren 3an, Munduko Kopako lasterketa bateko 10 onenen artean lehen aldiz. 2018/2019 Munduko Kopako denboraldian, goranzko joera berretsi zuen lehen 10en arteko 3 postu gehiagorekin. Banskoko hurrengo lasterketetan bi 7. posturen ostean, 2019ko martxoaren 9an bere lehen Munduko Kopako podiuma lortu zuen Kranjska Gorako eslalom erraldoiaren 2. postuarekin. 2019ko abenduaren 23an lortu zuen Munduko Kopako bere lehen garaipena, Alta Badiako eslalom erraldoi paraleloan, non, finalean, Stefan Luitz alemaniarrari nagusitu zitzaion.

Pekineko Olinpiar Jokoetan, 29. postuan geratu zen super-erraldoian, eta eslalom erraldoian kanporatua izan zen lehen txandan. Hala ere, eta ordezko gidari gisa, brontzezko domina irabazi zuen taldekako lehiaketan Mina Fürst Holtmann, Timon Haugan, Thea Louise Stjernesund, Maria Therese Tviberg eta Fabian Wilkens Solheimekin batera.

Emaitzak

Olinpiar jokoak

• Pekin 2022: 3. talde lehiaketan, 29. super-erraldoian

Munduko Txapelketak

• Vail/Beaver Creek 2015: 31. eslalom erraldoian
• Are 2019. 13. eslalom erraldoian, 13. Konbinatu alpinoan

Munduko Kopa

• 2 podium banakako lasterketetan, garaipen 1 barne:

Data	Kokapena	Herrialdea	Diziplina
2019-12-23	Alta Badia	Italia	Eslalom erraldoi paraleloa

• Podium bat taldekako lehiaketetan

Munduko Kopako balorazioak

Denboraldia	Orokorra		Super-erraldoia		Eslalom erraldoia		Konbinatua		Paraleloa
	Sailk.	Puntuak	Sailk.	Puntuak	Sailk.	Puntuak	Sailk.	Puntuak	Sailk.	Puntuak
2015/2016	127.	16	–	–	45.	16	–	–	-	-
2016/2017	153.	5	–	–	53.	5	–	–	-	-
2017/2018	98.	40	44.	8	35.	32	–	–	-	-
2018/2019	36.	234	26.	40	16.	158	14.	36	-	-
2019/2020	42.	171	42.	14	28.	54	–	–	2.	103
2020/2021	116.	20	–	–	38.	20	–	–	-	-
2021/2022	69.	114	–	–	19.	114	–	–	-	-

Europako Kopa

• 2014/2015 denboraldia: 5. sailkapen orokorrean, 2. eslalom erraldoiko sailkapenean, 3. konbinaketa sailkapenean
• 2016/2017 denboraldia: 9. sailkapen orokorrean, 4. eslalom erraldoiaren sailkapenean
• 11 podium, 2 garaipen barne:

Data	Kokapena	Herrialdea	Diziplina
2014-12-18	Pozza di Fassa	Italia	Eslalom erraldoia
2017-12-08	Jasna	Eslovakia	Eslalom erraldoia

Junior mailako Munduko Txapelketak

• Jasná 2014: 3. eslalom erraldoian, 4. taldekako lehiaketan, 7. super konbinatuan, 9. eslalomean, 30. super-erraldian

Emaitza gehiago

• Norvegiako txapelketa, 6 txapel (super-erraldoian 2018, eslalom erraldoian 2018 eta 2019, konbinatuan 2017-2019 )
• Podium bat Nor-Am Kopan
• Hego Amerikako Kopako 4 podium, tartean garaipen bat
• 8 garaipen FIS lasterketetan

Kanpo estekak

• Rasmus Windingstad Internationalen Skiverbands ((Ingelesez))
• Rasmus Windingstad Ski-DB ((Ingelesez))

• Datuak: Q18667990
• Multimedia: Rasmus Windingstad / Q18667990