Rebel (2022ko filma)

Rebel (2022ko filma)
Jatorria
Argitaratze-data	2022
Izenburua	Rebel
Jatorrizko hizkuntza	frantsesa; arabiera; ingelesa
Jatorrizko herrialdea	Belgika, Luxenburgo eta Frantzia
Ezaugarriak
Genero artistikoa	film dramatikoa
Iraupena	135 minutu
Grabazio lekua(k)	Sint-Jans-Molenbeek eta Jordania
Zuzendaritza eta gidoia
Zuzendaria(k)	Adil El Arbi (en) ; Bilall Fallah (en)
Gidoigilea(k)	Adil El Arbi (en) ; Bilall Fallah (en) ; Jan Van Dyck (en)
Antzezlea(k)
	Lubna Azabal ; Aboubakr Bensaihi (en)
Ekoizpena
Ekoizlea	Bert Hamelinck (en) ; Dimitri Verbeeck (en)
Konpainia ekoizlea	Caviar Films (en)
Edizioa	Frédéric Thoraval (en)
Bestelako lanak
Musikagilea	Hannes De Mayer
Argazki-zuzendaria	Robrecht Heyvaert (en)

Rebel 2022ko Adil El Arbi eta Bilall Fallah belgikar zinema zuzendarien film dramatikoa da.

Sinopsia[aldatu | aldatu iturburu kodea]

Oharra: Atal honek istorio osoa edo amaiera argitzen du.

2010eko hamarkada. Bruselako Molenbeek auzoan bizi dira Kamal, haren anaia gazte Nassim eta haien ama Leila. Kamal oso haserre dago Siriako egoerarekin eta Baxar al-Assad lehendakariak egindako basakeriekin. Nolabait laguntzeko beharra du: ezin da Belgikako etxearen goxotasunetik begira egon. Eta, beraz, Siriara abiatuko da kamera bat hartuta, erresistentziaren zintzotasuna erretratatu nahian. Inozenteki, Kamal ez da Estatu Islamikoaren (EI) intentzioez ohartuko berandu den arte; eta ezinezkoa egingo zaio ihes egitea.^[1]

Bien bitartean, Molenbeeken, Nassim gaztea eskolan dago amak ikasgelatik irteteko eskatzen dionean. Berri txarrak ditu haurrarentzat: EIren propaganda bideo bat zabaldu da Interneten. Bertan, Kamal azaltzen da exekuzio talde bateko partaide gisa, eta belauniko dagoen preso bati buruan tiro bat ematen. Berriak azkar hedatuko dira eskolan eta komunitatean. Nassim nahastuta dago, bere anaia nagusia heroia baita harentzat, eta ideia hori bera erabiliko dute tokiko erradikalek, gaztea EIren parte izan dadin errekrutatzen saiatzen direnean.^[1]