Red Hat

Wikipedia, Entziklopedia askea
Red Hat
Modified Red Hat 2019 logo without Fedora hat.svg
Datuak
Motanegozioa, enpresa eta kapital irekiko enpresa
Jarduera sektoreaSoftware fabrika
HerrialdeaAmeriketako Estatu Batuak
Jarduera
KidetzaLinux Fundazioa, European Committee for Interoperable Systems (en) Itzuli, CVE Numbering Authorities (en) Itzuli, Bytecode Alliance (en) Itzuli, Node.js Foundation (en) Itzuli, OpenJS Foundation (en) Itzuli eta OpenPOWER Foundation (en) Itzuli
Honen parteS&P 500
Eskumendekoak
Enplegatuak12.000 (2017ko abuztuaren 31)
Ekoizpena
Agintea
Zuzendari exekutiboaJim Whitehurst (en) Itzuli eta Paul Cormier (en) Itzuli
Egoitza nagusi
Legezko formaakzio konpainia
JabeaIBM
Zeren jabe
Mugshot (en) Itzuli
Ekonomia
Diru-sarrerak2.411.803.000 US$ (2017)
Balore-burtsaNew Yorkeko burtsa
Historia
Sorrera1993ko martxoaren 27a
Sortzailea
Ordezkatzen duCygnus Solutions (en) Itzuli eta Qumranet (en) Itzuli
AurrekoakCygnus Solutions (en) Itzuli, ArsDigita (en) Itzuli, JBoss (en) Itzuli, C2Net (en) Itzuli eta Sistina Software (en) Itzuli
webgune ofiziala
Twitter: RedHat GitHub: RedHatOfficial Edit the value on Wikidata

Red Hat izen bereko eta Fedora GNU/Linux sistema eragilearen distribuzioen sortzailea eta haien mantenuaren ardura duen enpresa da. Halaber, middleware esparruan jboss.org babesten du eta bertsio profesionala banatzen du JBoss Enterprise markapean.

Red Hat oso ezaguna da software librearen mugimendua sustatzeko egindako hamaika ahaleginengatik. GNU/Linux-en bi distribuzio garrantzitsuen garapenaz arduratzeaz gain kode irekiko softwarean oinarritutako hainbat produktu eta zerbitzu eskaintzen ditu. Halaber, 2000 enplegatutik gorako azpiegitura zabala du munduko 28 herritan.

Red Haten enplegatutako programatzaileek software askeko pakete asko garatu dituzte komunitate guztiaren onurarako. Kontribuzio horien artean nabarmentzen dira RPM softwarea paketeen gestorearen sorrera eta ekipoen administrazio eta konfiguraziorako hainbat utilitateena, besteak beste sndconfig eta mouseconfig.

Linuxen Red Hat distribuzioan oinarriturik beste hainbat distribuzio sortu dira; horietatik garrantzitsuenak honako hauek dira: Mandriva Linux, Yellow Dog (soilik Power PCentzat), CentOS (Red Hat iturrietatik konpilatua) eta Scientific Linux (CERN eta Fermilab laborategien babespean eta LHCa kontrolatzen duten ordenagailuek erabiltzen dutena).

Produktuak eta proiektuak[aldatu | aldatu iturburu kodea]

Haren produktu nagusiak hauek dira: Red Hat Enterprise Linux distribuzioa, JBoss aplikazioen zerbitzari librea, Hibernate mapatze objektu-erlazionalarako tresna eta beste hainbat zerbitzarien esparruan.

Beste alde batetik Red Hat-ek erabiltzaile partikularrei zuzendutako Fedora distribuzioa zuzendu eta babesten du, besteak beste teknologia berriak probatzeko plataforma moduan. [One Laptop per Child] proiektuan parte hartzen du eta Red Hat Magazine web gunea mantentzen du.

Historia[aldatu | aldatu iturburu kodea]

Red Hat Software Inc. 1994an Bob Young-ek eta Marc Ewing-ek sortu zuten. 1999ko abuztuan Red Hat-en akzioak burtsara atera ziren eta Wall Street-en historian lehenengo eguneko zortzigarren irabazirik handiena izan zuten. Lau urte geroago Red Hat-en akzioen balioa puntu.com-en krisiaren aurretik izan zuten balio handienaren ehunen batera jaitsi zen. Hala ere, balore-merkatuan izan zuen hasiera arrakastatsuak gai informatikoekin zuzenean erlaziorik ez zuten hainbat egunkari eta aldizkarien portadetara eraman zuen. Nolanahi ere, badirudi Red Hat-ek asmatu duela gainditzen software librean oinarritutako negozioen esparruan beste zenbait enpresek izan duten arazoak eta zenbaki beltzak aurkeztu zituen haren historian lehen aldiz 2002ko azken laurdenean.

Red Hat-en historiaren une gogoangarria 1999ko azaroan Cygnus Solutions enpresaren eskuratzea izan zen. Hamar urte lehenago sortutako enpresa honek demostratua zuen software librean oinarritutako estrategia integral baten bidez dirua irabaz zitekeela.

2003ko irailean, Red Hatek erabaki zuen indar gehiena bere distribuzioaren bertsio korporatiboaren garapenean jartzea eta bertsio komuna [Fedora] distribuzioan ustea. Fedora proiektu independentea eta irekia da, baina Red Hat-ek babestua.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]