René Portocarrero

Wikipedia, Entziklopedia askea
René Portocarrero
René Portocarrero bere lan batekin. Irudi gehiago
Bizitza
JaiotzaCerro (en) Itzuli1912ko otsailaren 24a
Herrialdea Kuba
HeriotzaHabana1985eko apirilaren 7a (73 urte)
Hezkuntza
Hizkuntzakgaztelania
Jarduerak
Jarduerakmargolaria, eskultorea, ilustratzailea eta marrazkilaria

René Portocarrero (Habana, 1912ko otsailaren 24ib., 1985ko apirilaren 7) margolari, eskultore, ilustratzaile kubatar ospetsua, XX. mendeko Kubako artista handienetarikoa. Munduko museo askotan dago jasota bere obra. Bere obraren hogei erakusketa egin zituen eta taldeko 60 beste gehiagoetan hartu zuen parte. Margolanak, liburuak, muralak, diseinu grafikoak eta aldizkarietan kolaborazio ugari egin zituen.[1] Homosexuala zen eta urte asko Raúl Milián bikotekidearein bizi zen.[2]

Biografia[aldatu | aldatu iturburu kodea]

El Cerron jaio zen, Habana inguruko auzo batean. Bere formakuntza gehien batean autodidakta izan zen baina, izan ere, Academia de Artes Plásticas San Alejandro ikastetxean ere ibibi zen. Lehenengo erakusketa Habanako Lyceumen egin zuen, 1934an. Ondoren, Mariano Rodríguez artistarekin batera, Habanako Estudio Libre para Pintores y Escultores zelakoan lan egin zuen.[3] Adinaren ondorioz, Orígenes poesia taldearekin lotu zen eta Verbum, Espuela de Plata eta Orígenes aldizkari literarioetan bere marrazkiak argitaratu zituen. Urte horietan bi liburu argitaratu zituen: Las máscaras (1935) eta El sueño (1939), bigarren horretan berak idatzitako testuekin. José Lezama Limaren laguna izan zen eta poetak Portocarreroen liburuetarako testuak prestatu zituen. 1943an Habanako Espetxean marrazki librearen irakaslea izan zen; hantxe mural erlijioso bat egin zuen ere bai. Urte horietako obra batzuk hauek dira: Interiores del Cerro, Festines eta Figuras para una mitología contemporánea. 1944 bere lanak New Yorken erakutsi zituen, Julian Levy Gallery-an eta Arte Modernoaren Museoan MoMa-n. 1950 urtearen inguruan, Taller Experimental de Santiago de Las Vegasen, zeramikarekin hasi zen lanean. teknika horiekin mural handiak egin zituen, ezagunena, Antilletako Historia izenburuaz, Hotel Tryp Habana Libren, garai hartan Habana Hilton hotelean, egin zuen. 1951an, Trinidadi omenez lanarekin, Margolaritza Sari Nazionala jaso zuen; gaur egun lan hori Kubako Arte Ederren Museoan erakusten da. Lan horrekin Habanako paisaietan inspiratutako lanen bildumari eman zion hasera. 1962an "Kubako kolorea" erakusketa inauguratu zuen; bilduma horretan oinarria Afrikako santeria zen. Jorratu zuen beste gaia Inauteriak izan ziren. 1957an eta 1963an São Pauloko Bienalean hartu zuen parte. 1952an eta 1966an, bestetik, Veneziako Bienalean bere lanak erakutsi zituen. 1981an Kubako estatuak Orden Félix Varela saria eman zion.

Estiloa[aldatu | aldatu iturburu kodea]

Portocarreroren lanek Afrikako tradizio kubatarraren eragin handia erakusten du. Artistak tradizio hori ikuspuntu poetiko batetik aztertzen du; ondorioz, bere estiloa oso bizia, koloretsua eta barrokoa zen.

Liburuak[aldatu | aldatu iturburu kodea]

  • Las máscaras (1935): hamabi marrazki.
  • El sueño (1939): marrazkiak eta bere testuak.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]