Rosenborg BK

Rosenborg Ballklub

Ezizena(k)	Troillongan (troll gizonak)
Sorrera	1917
Futbol zelaia	Lerkendal Stadion edukiera: 21.405 lagun inaugurazioa: 1947
Presidentea	Ivar Koteng
Entrenatzailea	Åge Hareide
Liga	Eliteserien
2023	9.a
Webgunea	Webgune ofiziala
Etxekoa 　 Kanpokoa

Lerkendal Stadion.

Rosenborg Ballklub edo RBK Norvegiako futbol talde onena da palmaresari dagokionez, Trondheim hirikoa. 24 aldiz irabazi du Norvegiako futbol liga eta beste 11 aldiz Kopa.

Historia

Taldea 1917an osatu zen hasiera hartan Sportsklubben Odd izenarekin. Garai hartako talderik arrakastatsuena zen Odds BK taldeagatik jarri zioten, zeinak oraindik ere Kopa txapelketa gehien dituen. Kolore zuria eta beltza ere Odd taldearenak ditu. Trondheimgo taldeak 1928an profesional bihurtu arte ezin izan zuen Norvegiako txapelketetan parte hartu. Urte horretan izena aldatu zuen eta bere auzoa zenarena hartuz, Rosenborg BK. 1937an jokatu zuen aurreneko aldiz lehenengo mailan baina 40. hamarkadan beheko mailatan aritu behar izan zuen berriz.

1957an ondoko Lerkendal auzoan futbol zelai berria egin zuen eta taldearen gorakada hasi zen. 1960 eta 1964ean Norvegiako Kopa irabazi zuen eta 1967an lehenengo liga. Ordurako Trondheimgo talde onena bihurtua zen eta ordutik aurrera Norvegiaren erreferentziazko futbol taldea izateari ekin zion, Liga gehien irabazi dituen taldea baita, alde izugarriarekin gainera.

1992 eta 2004 artean 13 Liga irabazi zituen jarraian, Europan halako kasurik ez dago, eta Norvegiako talde nazionala bihurtu zen. 2004ko garaipena oso juxtua izan zen izan ere puntuetan berdindu egin baitzuen bigarrena zen Vålerengarekin. 2005ean desastrea etortzear egon zen urte osoa lehen maila mantentzeko lanean aritu baitzen eta entrenatzaileak dimisioa aurkeztu zuen. Per-Mathias Høgmo fitxatu zuten eta hasieran ongi ibili ez arren maila mantentzea lortu zuen eta 2006an Ligako txapeldun bihurtu zuen berriro. Urte horietan entrenatzaile ugari izan zituen baina maila onean aritu da ordutik, liga batzuk irabazi eta besteetan aurrean ibili baita.

Nazio artean ordea ez du arrakasta handirik izan. 1994 eta 2008 artean Txapeldunen Ligako taldekako fasean aritu da (urte bakarrean ezik) baina emaitzarik aipagarriena 1996-97 urteko final laurdena du, gero finalista izango zen Juventusek kaleratu zuen Norvegian bana berdindu eta Turinen 2-0 galdu ondoren. 2008an Intertoto Kopa irabazi zuen.

Urte batzutan titulurik irabazi gabe egon ondoren gogor itzuli da berriz eta 2015 eta 2018 artean lau Liga eta hiru Kopa irabazi zituen.

Uniformea

2017-2018

2019

2020

2021

2022

Palmaresa

Norvegian: 40

• Liga (26): 1967, 1969, 1971, 1985, 1988, 1990, 1992, 1993, 1994, 1995, 1996, 1997, 1998, 1999, 2000, 2001, 2002, 2003, 2004, 2006, 2009, 2010, 2015, 2016, 2017, 2018.
• Kopa (12): 1960, 1964, 1971, 1988, 1990, 1992, 1995, 1999, 2003, 2015, 2016, 2018.
• Superkopa (2): 2010, 2017.

Nazio artean: 1

Txapeldunen Liga

• final laurdenak 1996-97 urtean.
• taldekako fasean 1995-2003, 2004-08 tarteetan.

UEFA Europa League

• taldekako fasean 2008-09, 2010-11, 2012-13.

UEFA Intertoto Kopa

• Txapelduna (1): 2008.

Jokalariak

2017ko Apirilaren 18

Zbk. Postua Jokalaria 1 ATE André Hansen 2 ATZ Vegar Eggen Hedenstad 3 ATZ Birger Meling 4 ATZ Tore Reginiussen 5 ATZ Jacob Rasmussen 7 ERD Mike Jensen (Kapitaina) 8 ERD Anders Konradsen 9 AUR Nicklas Bendtner 10 AUR Matthías Vilhjálmsson 11 AUR Yann-Erik de Lanlay 14 ATZ Johan Lædre Bjørdal 15 ERD Anders Trondsen

Zbk. Postua Jokalaria 16 ATZ Jørgen Skjelvik 17 AUR Jonathan Levi 18 ERD Magnus Stamnestrø 19 AUR Andreas Helmersen 20 ATZ Alex Gersbach 22 ERD Morten Konradsen 23 AUR Pål André Helland 24 ATE Arild Østbø 25 ERD Marius Lundemo 26 AUR Milan Jevtović (Antalyaspor utzia) 28 AUR Samuel Adegbenro 34 AUR Erik Botheim

Utziak

Zbk. Postua Jokalaria 22 ERD Sivert Solli (Elverumen 2017ko Abenduaren 31 arte) 32 ATZ Erlend Dahl Reitan (Bodø/Glimten 2017ko Abenduaren 31 arte)

Zbk. Postua Jokalaria 33 ATE Julian Faye Lund (Levangeren 2017ko Uztail 21 arte)}}

Euskal taldeen aurkako partidak

Hauek dira Europako txapelketa ofizialetan Rosenborgek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1998-99	Txapeldunen Liga	Multzokako fasea	Athletic Rosenborg	1-1 2-1	Rosenborg Athletic
2000-01	UEFA Kopa	3. itzulia	Alaves Rosenborg	1-1 1-3	Rosenborg Alaves
2017-18	UEFA Europa League	Liga fasea	Real Sociedad Rosenborg	4-0 0-1	Rosenborg Real Sociedad

Kanpo estekak

• (Norvegieraz [bokmål])(Ingelesez) webgunea

• Datuak: Q186785
• Multimedia: Rosenborg BK / Q186785