SMS Schleswig-Holstein

SMS Schleswig-Holstein
	Irudi gehiago
Fabrikazioa
Fabrikatzailea	Friedrich Krupp Germaniawerft (en)
Ekoizpen-lekua	Kiel
Historia
Gila jartzea	1905eko abuztuaren 18a
Uretaratzea	1906ko abenduaren 17a
Esleipena	1908ko uztailaren 6a
Zerbitzuaren amaiera	1917ko maiatzaren 2a
Ship recommissioning	1926ko urtarrilaren 31
Kudeatzailea	Kriegsmarine eta Imperial German Navy (en)
Gatazka	Bigarren Mundu Gerra eta Lehen Mundu Gerra
Kokapena
Koordenatuak	59°19′59″N 23°31′59″E / 59.333°N 23.533°E
Ezaugarriak
Dimentsioak	8,25 () × 22,2 () × 127,6 () m ;
Erruna	22,2 m
Zingoa	8,25 m
Abiadura	19,1 kn
Identifikazioa

SMS Schleswig-Holstein (^ⓘ) Alemaniako Kaiserliche Marinek eraikitako bost Deutschland klaseko akorazatuetatik azkena izan zen. Ontzia, Schleswig-Holstein probintziaren izenarekin bataiatua, Kielgo Germaniawerft ontzioletan eraiki zen 1905ean, eta ia hiru urte geroago jarri zen martxan. Bere klaseko ontziak zaharkituta zeuden lanean hasi zirenean, tamaina, blindajea, su-potentzia eta abiadura txikiagoak baitziren korazatuen belaunaldi berrikoak baino.

Schleswig-Holstein bi mundu-gerretan borrokatu zen. Lehen Mundu Gerran, lehen lerroan egon zen Itsas Garaiko Flotaren II. Eskuadroian, eta Jutlandiako guduan izan zen 1916ko maiatzaren 31tik ekainaren 1era. Schleswig-Holstein borrokaldian sartu zen eta tamaina handiko jaurtigai batek kaltetu zuen. Borrokaren ondoren, Schleswig-Holstein zaintza-lanetarako erabili zuten Elba ibaiaren bokalean, 1917. urtearen amaieran zerbitzutik kendu baino lehen. Versaillesko Itunak Alemaniari baimentzen zizkion korazatu urrietako bat izaki, 1920ko hamarkadan Schleswig-Holstein berriro jarri zen martxan. 1935ean, korazatu zaharra ontzi-kadeteentzako eskola-ontzi bihurtu zen.

Schleswig-Holsteinek Bigarren Mundu Gerrako lehen tiroak egin zituen Westerplatteko base poloniarra bonbardatu zuenean Danzigen, 1939ko irailaren 1ean. Ontzia eskola-ontzi gisa erabili zen gerraren zatirik handienean, eta britainiar bonbarderoek hondoratu zuten 1944ko abenduan, Gotenhafenen. Ondoren, Schleswig-Holstein erreskatatu eta lehorreratu egin zuten, sobietar armadak tiro-praktiketan erabiltzeko. 1990ean, ontziaren kanpaia Bundeswehreko Historia Militarreko Museoan (Dresde) zegoen ikusgai.

Kanpo estekak

Datuak: Q170363
Multimedia: Schleswig-Holstein (ship, 1906) / Q170363