San Martin eliza (Arano)

San Martin eliza (Arano)
	Irudi gehiago
Kokapena
Herrialdea	Euskal Herria
Probintzia	Nafarroa Garaia
Udalerria	Arano
Koordenatuak	43°11′58″N 1°53′40″W / 43.199386°N 1.894561°W
Historia eta erabilera
Irekiera	XIX. mendea
Erlijioa	katolizismoa
Elizbarrutia	Iruñea eta Tuterako artxidiozesia
Izena	Martin Tourskoa

San Martin Tourskoaren eliza Aranoko parrokia-eliza da, XIX. mendeko eraikina da, lehenagoko elizen gaineko tokian eraikia, parte zahar batzuk aprobetxatuz. Gaur egungo egitura gurutze latindarreko oinarridun eraikina da, kanoi erdiko ganga estaldurarekin.^[1] ^[2]

Deskribapena[aldatu | aldatu iturburu kodea]

Argi-iturri asko ditu, nabarmenena gurutzaduraren kaperetako batean dagoen arrosa-leihoa. Erdiko nabearen bi aldetara, hartako tarteko atalean, bi sarrera daude, sarbidea artikulatuz. Garrantzitsuena, Epistolaren aldekoa, dobela marduleko erdi-puntuko sarrera da, arkupe baten barnean paratua. Haren gainean udalerriko ezkutua eta azken eraberritzea egin zen urtea adierazten duen 1829 zenbakia ageri dira.

Aldarean erretaula nagusia gailentzen da. Lan barrokoa da, XVII. mendearen bigarren erdialdekoa. Bada bigarren erretaula txikiago bat Ebanjelioren aldean, Arrosarioko Andre Mariarena, hori ere barrokoa, baina apur bat zaharragoa denboran. Beste zenbait irudi ere gordetzen dira barruan, barrokoak salbu eta San Sebastian gotiko bat, azken hori ermita batetik ekarria. Bataiarri errenazentista ere badago, egitura angeluzuzena duena, halako lanetan oso ohikoa ez zen forma.