Si fueras tú

Si fueras tú
Jatorria
Jatorrizko herrialdea	Espainia
Atalak	8
Ezaugarriak
Zuzendaritza eta gidoia
Zuzendaria(k)	Joaquín Llamas (en)
Antzezlea(k)
	María Pedraza ; Adrià Collado (en) ; Óscar Casas ; Nerea Elizalde ; Jorge Motos (en) ; Íngrid Rubio ; Ruth Díaz ; Elena Alférez (en)
Emanaldia
Hasiera-data	2017ko irailaren 11
Amaiera-data	2017ko urriaren 30a
	rtve.es…

Si fueras tú transmedia narrazioa erabiltzen duen Espainiako lehen telesail interaktiboa da. 2017ko irailaren 11an estreinatu zen, eta RTVE Playz plataforman ikus daiteke RTVE eta Atomis Media ekoiztetxeak egindako telesail hau. Astero telesailaren ikusleek hautatzen dute bozketa baten bitartez saioaren zenbait tramak nola jarraitu behar duten. María Pedraza aktorea da telesaileko protagonista nagusia, eta Adrià Collado, Óscar Casas, Ingrid Rubio eta Ruth Díaz dira, batik bat, parte hartzen duten aktoreetako batzuk.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Alba (María Pedraza) izeneko 17 urteko neska bat, bizitza berri baten bila, bere osaba Miguelekin (Adrià Callado) urbanizazio batera joaten da bizitzera. Albaren gurasoak Zelanda Berrira bidaiatu dute lan kontuak direla-eta, baina neska gazteak ikasketak Espainian amaitu behar ditu. Alabaina, Sotocruzeko institutu berrira iritsi orduko Alba laster ohartzen da ez dela erraza izango bertara egokitzea. Honen arrazoia Cristinarekin duen antzekotasun fisikoa da, herri horretan duela urte erdi desagertutako neskarekin.

Albaren lehen bihozkada bizitzera joan den herri berri horretatik ihes egitea da, baina bere osabak pazientzia eskatzen dio. Pixkanaka, Alba Sotocruzeko herritarrengana hurbiltzen joango da, batez ere Cristinaren ingurukoekin: bere lagun, familia, irakasle eta ikaskideekin. Albak Cristinarekin zer gertatu zen ikertzea eta neskaren desagerpenaren errudunak aurkitzea hautatzen du. Egiaren ikerketa honetan, inoiz pentsatuko ez zuen zerbait deskubritzen du, eta ustekabe hau lezio bat izango da neska gaztearentzat, oraintxe bere bizitzako etapa berri bat hasten dagoela.

Mekanika[aldatu | aldatu iturburu kodea]

Astelehenero, 21:00etan, RTVEren orrialdean Joaquín Llamasek zuzendutako telesail honen atal berri bat publikatzen da. Atal bakoitzak 10 minutu irauten du, lehenengoak kenduta (20 minutukoa da lehen kapitulua). Atal bakoitzaren amaieran telesailak nola jarraitu behar duen galdetzen zaio ikusleari, galdera bat eta bi erantzun posibleren bitartez. 21:30etan Albak (María Pedraza) Facebook bitartez zuzenean egiten du hitz ikusleekin, eta momentu horretatik 24 ordu pasa arte telesailaren tramak zer bide hartu behar duten aukeratu behar dute ikusleek galdeketaren bidez. Behin gehien hautatu den aukera zein den jakinda, gidoilariak atal berri bat idazten dute eta astean zehar kapitulua grabatzen dute, hurrengo astelehenean ikusgai izateko. Guztira zortzi atal grabatu behar dute, eta, behin telesaila bukatuta, atal guztiak bat egin eta pelikula bezala igorriko dute La 1 telebista-katean.

Aktoreak eta pertsonaiak[aldatu | aldatu iturburu kodea]

María Pedraza - Alba Ruiz Alonso / Cristina "Cris" Romero Valle
Adrià Collado - Miguel Alonso (1. atala)
Óscar Casas - Rafael "Rafa" Castro
Nerea Elizalde - Nerea Vidal
Jorge Motos - Hugo Molina
Lucía Díez - Rocío Sosa (1. atala; 3. atala)
Ingrid Rubio - Lara (1. atala)
Ruth Díaz - Carmen Valle (1. atala - 2. atala)
Juan Blanco - Alberto Blasco
Daniel Ibáñez - Daniel "Dani" Romero (1. atala)
Elena Alférez - Idazkaria (1. atala)

Atalak[aldatu | aldatu iturburu kodea]

Zenb.	Zuzendaria	Estreinaldia	Ikusleentzat galdera: Zu bazinake...
1	Joaquín Llamas	2017ko irailaren 11	Etxera sartuko zinateke...	...edo Blascorekin hitz egingo zenuke?
2	Joaquín Llamas	2017ko irailaren 18a	Rafa eta Nerearen taldean sartuko zinateke...	...edo Rocío eta Hugorenean?
3	Joaquín Llamas	2017ko irailaren 25a	Pultsera Blascori emango zenioke...	...edo Guardia Zibilari entregatu?
4	Joaquín Llamas	2017ko azaroaren 2a	Daniri atea ireki...	...edo ez ireki.

Gehien hautatutako aukera.

Kanpo estekak[aldatu | aldatu iturburu kodea]

Datuak: Q40022755