Kaixo. Ba al dago jakiterik WPra sartzen denak zer bilatzen duen eta, batez ere, zer ez duen aurkitzen? Interesgarria litzateke artikulu berriak egiteko, adibidez.
Topic on Wikipedia:Txokoa
Kaixo. Ez, ez dago modurik hori jakiteko. Badago modu bat jakiteko zenbat sartzen diren beste hizkuntza batean eta ezkerreko menuan dauden hizkuntzen artean saiatzen diren bilatzen euskara aurkitu gabe, baina ez da sistema publikoa.
Aupa @Koldo Biguri:: bilatu eta aurkitu ez diren artikuluak zerrendatzen dituen tresnarik ez dut ezagutzen. Hemen erlazionatutako tresna batzuk:
- wikidosia: atzoko (edo aukeratutako eguneko)artikulu irakurrienak
(@wikidosia Twitter-en, mastodon.eus-en mastodon.eus-en)
- Petscan eta Massviews tresnekin: Zer falta da nire jakintza eremuan? Erantzunen bila Petscan eta Massviews tresnekin
- GapFinder: aukeratutako hizkuntzan dauden eta Euskal Wikipedian falta diren artikulu garrantzitsuenak aurkitzeko tresna. Artikulu bat hautatzeko aukera ere badu, erlazionatuta dauden eta falta diren artikuluak aurkitzeko. Wikipedia GapFinder
Eskerrik asko, @Lainobeltz. Iruditu zait, existituz gero, tresna interesgarria izan zitekeela artikulu berriak egin ahal izateko. Google eta halakøk jakiten dute, ba, jendeak zer bilatzen duen. Beharbada, Wikimediakoei esan beharko litzaieke horrelako zerbait sortzeko, ez dakit. Ideia bat besterik ez zen.
@Koldo Biguri: Ene bada! ahazten zitzaidan atzo @Ksarasola:k aipatutako Wikiproiektu:Euskarazko albisteetako Izen Entitateak. Oraindik lantzen ari badira ere, Agian hau izan daiteke pistarik hoberenak ematen dizkigun tresna, euskal irakurleari doitua dagoen aldetik.
Jendeak gehien bisitatzen dituen artikuluak zein kategoriatakoak diren jakiteko tresnarik ba al da? Jendeari gehien interesatzen zaizkion eremuak zein diren jakiteko balio lezake, behintzat. Informatikaz ideia gutxi nik, eh?
Gehien bilatzen dituenak ez, gehien irekitzen direnak ikusteko modua erraza da: https://pageviews.toolforge.org/topviews/?project=eu.wikipedia.org&platform=all-access&date=last-month&excludes=
Bai, Petscan eta Massviews tresnekin Galderrek definitu zuen artikuluak pista oso onak ematen ditu. Probatu ezazue mesedez, kuxkuxeatu. Nik hainbatetan erabili dut ikasleei gaiak proposatzeko:
Zer falta da nire jakintza eremuan? Erantzunen bila Petscan eta Massviews tresnekin
Ez baduzue asmatzen lagunduko dizuegu. Ondo aukeratu kategoria bat... eta aurrera!