Trimetilamina
Jump to navigation
Jump to search
Trimetilamina giro-tenperaturan gasa den amina da, formula kimiko hau duena: (CH3)3N. Amina tertziarioa da. Erraz kondentsatzen da. Uretan, alkoholean eta eterrean aise urtzen da. Metanola eta amoniakoa katalizatzaile bat aurrean dela tenperatura beroan erreakzionatzean eratzen da. Sukoia da; eta, irentsiz gero, pozoitsua. Sintesi organikoetan, desinfektatzaileak ekoizteko, flotazio-eragile gisa, intsektuak erakartzeko, plastikoak ekoizteko eta abarretarako erabiltzen da.
Kontzentrazio txikian, "arrain"-usaina du; kontzentrazio handian, berriz, amoniakoa gogorarazten du. Animalia eta landareen deskonposizioan sortzen da. Bera da, adibidez, arrain ustelaren usainaren sortzailea.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.