Txantiloi:2018-11 Nabarmendutakoa
Kongoko krisialdia (frantsesez: Crise congolaise) Kongoko Errepublikan (gaur egungo Kongoko Errepublika Demokratikoa) 1960 eta 1965 artean gertatutako gatazka politiko eta gerra baten izena da. Kongo Belgikarra Belgikatik independizatu bezain pronto hasi zen, eta Joseph-Désiré Mobutu boterera iritsi zenean bukatu zen de facto. Hainbat gerra zibilen segida bat izan zen, eta Gerra Hotzarekin nahastutako interesak ere egon ziren, Sobietar Batasuna eta Ameriketako Estatu Batuak gatazkaren alde bana babesten baitzituzten. 100.000 pertsona inguru hil zirela uste da.