Elur-lursagua ugaztun karraskaria da. Europakoa da eta mendietan aurki daiteke sagu txiki hau. Euskal Herrian ere aurkitu daiteke elur-lursagua, Pirinioez gain, uren banalerroko mendigune gehienetan aurki daiteke.
Nolakoa da?[aldatu | aldatu iturburu kodea]
- Tamaina ertaineko karraskaria da.
- Ilajea dentsoa du.
- Kolore aldakorrekoa da baina marroi-grisaxka izan ohi da, eta sabelaldea argiagoa, gris-zurixka.
- Gainerako lursaguek baino bibote handiagoak dituzte.
- Bere belarriak luzeak eta ikusgaiak dira, ilajetik ateratzen baitira.
Non aurkitu daiteke?[aldatu | aldatu iturburu kodea]
Euskal Herrian, uren banalerroa ezartzen duen mendigune guztian aurki daiteke.
Gordeleku gisa, arroka azpiez gain, gizakiak egindako mendiko txabolak eta harrizko hesiak ere erabil ditzakete. Lurpean tunelak eraikitzen dituzte, eta horien sarrerak aurkitzea zaila izan ohi da, sarrerak arroken azpian egoten baitira. Lurpeko pasabideek hainbat zulo izaten dituzte, janaria gordetzeko eta gorotzak pilatzeko, besteak beste.
Nolako da haien bizimodua?[aldatu | aldatu iturburu kodea]
Hegoaldeko Europako eta Ekialde Hurbileko mendiguneetan aurki daiteke, baina txikiagoak diren hainbat mendigunetan ere aurki daitezke.
Aktibitate handiko animaliak izan ohi dira, eta egunez zein gauez aktibo egoten dira. Beraien aktibitateak, gainera, urte osoan irauten du.
Euren eremuak elurrez estaltzean elurpeko-tunelak sortzen dituzte. Altitudeari dagokionez, bizileku aldaketak egiten dituzte maiz, eta mugimendu horien luzera txikia da.
Zer jaten du?[aldatu | aldatu iturburu kodea]
Espezie belarjalea da, hau da, hostoak , loreak, haziak eta sustraiak jan ditzake. Gordeleku ingurura eramaten ditu bere elikagaiak han lehortzeko eta geroago jaten dituzte.