Ramadan
.jpg)
Ramadan hilabete sakratu bat da Islamaren erlijioan eta Mahoma profetak Koraneko hitzak jaso zituen momentua ospatzen du. Korana musulmanen liburu sakratua da, Islamaren jarraitzaileen liburu sakratua, alegia. Musulmanek errezatzen, Korana irakurtzen eta barau egiten igarotzen dute Ramadana. Musulmanek uste dute Ramadanean parte hartzen badute aurreko bekatuak barkatuak egingo zaizkiela.
Ramadanean, musulman gehienek barau egin behar dute eta ezin dute edan edo jan argia dagoen orduetan. Haur txikiek, helduek eta gaixo dauden pertsonek ez dute barau egin behar. Ilunabarraren ondoren, musulmanek baraua apurtzen dute errezatzen eta gaueko ospakizun-afariekin. Iftar izena duten afari horiek lagun eta familiartekoekin partekatzen dira. Iftarra datil edo abrikotekin eta azukredun ur edo esnearekin hasi ohi da, eta ondoren barazkiak, ogia eta haragiarekin jarraitzen du. Jatorduen ostean, jendeak lagunak eta familiako kideak bisitatu ohi ditu.
Ramadana islamdar egutegiko bederatzigarren hilabetea da. Islamdar egutegia ilargialdietan oinarritzen denez, Ramadana urteko edozein urtarotan gerta daiteke. Ramadanaren 27. gauean, Boterearen Gaua edo Laylat al-Qadr ospatzen da. Esan ohi da gau horretan Jainkoak Korana ezagutarazi zuela, eta musulmanek ordu asko eskaintzen dizkiote otoitz egiteari. Ramadana ofizialki erlijio-funtzionarioek lehen aldiz ilargi berria ikusten dutenean amaitzen da. ʿId al-Fitr festak, baraua hausturaren festak, Ramadan hilabetearen amaiera eta Shawwal hilabetearen hasiera markatzen du.