SVETLANA SAVITSKAYA

👶 Jaiotza 1948ko abuztuaren 8a Mosku

🔨 Lanbidea hegazkinlari

📷 Argazkiak ikusi

Svetlana Savitskaya

Svetlana Jevgenievna Savitskaya Moskun jaio zen 1948ko abuztuaren 8an. 1984ko uztailaren 25ean espazioan ibiltzen aritu zen lehendabiziko emakumea bihurtu zen.

Ikasketak

1972an Moskuko Abiazio Institutuan sartu zen. Ikasketak bukatu eta gero, abiazio monitore gisa lan egin zuen. Hegazkin pilotua izateko ikasketa bereziak egin ondoren, 1976an SESB-ko (Sobietar Errepublika Sozialisten Batasuna) frogatarako pilotu titulua lortu zuen, 20 hegazkin mota ezberdin gidatzeko gai zelarik. 1980n berriki sortua zen emakumez osaturiko kosmonauta talde batean sartu zen, bertan Soiuz motako ontzietan bidaiatzeko prestakuntza jaso zuelarik.

Ibilbidea

Bera Sobietar hegazkin pilotu eta kosmonauta ohia da. Espazioan ibili zen lehendabiziko emakume kosmonauta izan zen eta Valentina Terexkova kosmonautaren ostean, espaziora bidaiatu zuen bigarrena.

Bere gurasoek jakin gabe 16 urte zituela 3. errekord mundiala lortu zuen parakaidista bezala. 1982an, Valentina Terexkova kosmonautaren bidaiatik 19 urtera, Soiuz T-7 espazio ontzian 19 eguneko bidaia egin zuen

Gainera, bere lana egiterakoan izan zuen eskarmentuaren ondorioz, berrikuntza garrantzitsuak egin ahal izan ziren hurrengo emakume kosmonauten janzkera hobetzeko.

Une hartan bera bihurtu zen espaziora 2 aldiz bidaiatu zuen lehen emakumea. 1993an kosmonauten taldea utzi zuen erretiroa hartuz. Bere karrera espaziala bukatzen ari zela, politikan hasi zen.

Sariak

• Bi aldiz Sobietar Errepublika Sozialisten Batasuneko Heroia.
• Bi aldiz Lenin Ordena
• Ohorezko Insigniaren Ordena.
• FAIren (Nazioarteko Federazio Aeronautikoa) urrezko domina eta 18 diploma.
• SESB-ko (Sobietar Errepublika Sozialisten Batasuna) 16 kirol domina.
• Domina berezia espazio irekian egotearen marka gainditzeagatik.
• 2 asteroidek bere omeneko izena dute: 4118 Sveta eta 4003 Savitskaya.