Ukan

Ukan
Datuak
Jatorria	Sopela (Bizkaia)
Musika mota	punk, rock, ska
Urteak	2012 -
Taldekideak
Gorka Rodriguez Iskander Ramos Raul Gonzalez Sergio Nogales Lander Pablos Maitane Ander
Lehengo taldekideak
Sara Karras

Ukan kontzertuan

Ukan, 2012ko urrian Uribe Kostan sortutako musika taldea da.

Ibilbidea

Karras, Gorka eta Iskander hasi ziren lehen abestiak sortzen Basauriko Txarraska eta Sopelako Sekeko gaztetxeetan. Ia jarraian Sara (ahotsa) sopeloztarra sartu zen taldean. Hasieratik metal musikari ekin zioten baina 2012ko abendu inguruan ezkerraldetik, Raul, Sergio eta Lander sartu ziren taldean haizezko instrumentuak ekarriz.

2013ko udaberrian lehenengo maketa grabatu zuten “grabaciones rotas” estudioan Aitor Karraskoren eskutik. 5 abesti hain zuzen ere. Lan honetan punk-rock melodikoa eta ska musika nahastu zuten melodia goxo eta haize doinu dantzarien artean. Hitzetan, berba aldarrikatzaileak aurkitzen dira egun bizi diren errealitate ezberdinetan oinarrituta.

2014ko urte amaieran aldaketa bat gertatu zen bandan, Sara eta Karrasek taldea utzi behar izan zuten. Abeslaria eta baxularia bilatzen egon ziren 2015ko martxoraino eta Maitane Uribarritik eta Ander etorri ziren.

Kontzertuak gaztetxeetan, herriko jaietan, ibilaldia, ekitaldiak, elkarrizketak, Durangoko azoka, eta agian garrantzitsuena banden lehiako finalera iritsi ziren. Harrera oso ona izan dute kalean eta oso pozik daude euren ibilbidearekin.

Taldekideak

• Gorka (kitarra eta koruak)
• Iskander (bateria)
• Maitane (ahotsa)
• Ander (baxularia)
• Raul (saxoa)
• Sergio (tronboia)
• Lander (tronpeta)

Diskografia

• Ukan (2004) - 5 kantako diska

Kanpo estekak

• Datuak: Q31722966