Varuna

Wikipedia, Entziklopedia askea
Jump to navigation Jump to search

Artikulu hau mitologia hinduko pertsonaiari buruzkoa da, argizagiari buruzkoa hurrena: (20000) Varuna.

Gezikadaka, Rama errege jainkoak, Varuna itsasotik irtetzera behartzen du.

Hinduismoari dagokionez, Varuna, ozeanoaren jainkoa da.

Sui Ten, hamabi deva nagusietako bat (Varuna jainkoaren bertsio japoniarra. Kyotoko Museo Nazionala, Japonia

Vedatar garaian[aldatu | aldatu iturburu kodea]

Erlijio vediko primitiboan (hinduismoaren aurretik), Varuna jainko nagusi bat zen, Ādityatako bat. Jainko hindu garrantzitsuenetako bat zen, asuren buruzagia, Rig-vedan aipatzen denaren arabera.

Zeruaren edo euriaren jainkotzat hartzen zen, gutxi gora-behera alde negatibo batean, zeruko kaosa eratzen baitzuen, euria, ekaitzak, tximistak eta trumoiak sortuz.

Varunak, hildakoen erresuma ere gobernatzen zuen.

X. mendeko Varunaren estatua, champa kulturan (zibilizazio hinduista Vietnamen). Goian, Kubera eta Īśāna. Behean, Nairrita, Agni, Varuna eta Indra.

Beti zihoan bere anaia biki Mitrarekin ("laguna" esan nahi duena), Eguzkiaren, Egunsentiaren eta adiskidetasunaren jainkoa zena. Biak ziren zinaren eta kontratuen jainkoak. Elkarrekin, egun osoa irudikatzen zuten: Varuna, gaua eta iluntasuna zen, Mitra, eguna, goiza eta eguzki argia zen bitartean. Horregatik, biek irudikatzen zuten legea, bere bi aurpegiekin.

Atharva vedak, Varuna, guztia dakiena bezala deskribatzen du, edozein gezur atzemateko gai. Izarrak, mila begiko bere espioiak dira, gizakien mugimendu bakoitza zaintzen.

Mitrak, adiskidetasunean eta harreman guztietan, promesak, zinak, kontratuak eta zintzotasuna betetzen zirela zaintzen zuen bitartean, Varunak beste horrenbeste egiten zuen bere aldetik, baina modu gatazkatsuan, zeruan zein sakontasunen handitasunean.

Hinduismoan[aldatu | aldatu iturburu kodea]

Purana garaian, Varuna, itsasoaren jainko bat izatera pasa zen, bigarren mailako erdijainko bat. Bere vajana (ibilgailua), krokodilo bat zen.

Ramaiana testu epikoaren arabera, Varuna, Saumanasaren jabea zen, Mendebaldeko elefantea (unibertsoa eusten duten lau elefanteen artean).

Wikimedia Commonsen badira fitxategi gehiago, gai hau dutenak: Varuna Aldatu lotura Wikidatan