Venus, Vulkano eta Marte

Wikipedia, Entziklopedia askea
Venus, Vulkano eta Marte
Venera & mars.jpg
Jatorria
Sortzailea Tintoretto
Sorrera-urtea 1555
Jatorrizko izenburua Vulkan überrascht Venus und Mars
Mugimendua manierismoa
Veneziako eskola
Ezaugarriak
Materiala(k) olio-pintura eta mihisea
Zabalera 198 zentimetro
Altuera 135 zentimetro
Genero artistikoa margolaritza mitologikoa eta biluzia
Egile-eskubideak jabetza publiko
Deskribapena
Kokapena
Lekua Alte Pinakothek (Munich)
Bilduma Bavariako Estatuko Margo-Bilduma
Inbentarioa 9257

Venus, Vulcano eta Marte Tintoretto italiar margolariaren margolan bat da. Mihise gaineko olio-pintaketa teknikaz margotua dago. 135 cm. altu eta 198 cm. zabal du. 1555 aldera margotua izan zen, eta gaur egun Alemaniako Munich hiriko Alte Pinakothek museoan ikusgai dago.

Sandro Botticelli bezalako marrazkilari errenazentistek jada Greziar mitologiako Venus eta Marte jainkoen arteko maitasuna jada gai gisa erabiltzen zuten. Baina Tintorettoren eskueta nmargolan honetan idealismo neoplatonikoa dena tonu erotikoko eszena bihurtzen da. Venus etzanda dago eta bere senarra den Vulkano zaharrak hurbildu eta bere emaztearen pubisa estalgabetzen du. Atzean, sehaskan, Kupido lotan dago, eta ohe azpian Venusen maitalea, Marte, ezkutatzen da. [1]

Koadroan asimetria handia nabaritzen da. Margolariak begirada hondora, eskuinera, gidatzen du, baldosen perspektiba baliatuz. Vulkanoren irudia atzeko ispiluan islatzen da, eta bere moldaketa indartsuak Michelangeloen eragina frogatzen du. Bestalde, Venus goi ezker aldetik behe erdialdeko gunera dagoen diagonalean dago ezarria, eta gizon-itxura apur bat du. Tintorettok modelo gisa Tizianoren Andromeda margolana hartu zuela uste da. [1]

Margolan honen zirriborro bat Berlingo kalkografien gabinetean gordetzen da, bertan Marte eta Kupidoren figurak falta direlarik.[1]

Erreferentziak[aldatu | aldatu iturburu kodea]

  1. a b c Los maestros de la pintura occidental, Taschen, 2005, pág. 183, ISBN 3-8228-4744-5

Kanpo estekak[aldatu | aldatu iturburu kodea]