Vlade Divac

Ibilbidea
Draft NBA	Los Angeles Lakers

Vlade Divac
	; Irudi gehiago
Bizitza
Jaiotza	Prijepolje (en) , 1968ko otsailaren 3a (56 urte)
Herrialdea	Serbia
Bizilekua	Prijepolje (en)
Hezkuntza
Hizkuntzak	serbiera
Jarduerak
Jarduerak	saskibaloi jokalaria, aktorea eta gizaldeko ekintzailea
Ibilbidea
Draft NBA	Los Angeles Lakers
	Parte-hartzailea 1996ko Udako Olinpiar Jokoak ; 1988ko Udako Olinpiar Jokoak ; 1986 FIBA World Championship (en) ; EuroBasket 1987 (en) ; EuroBasket 1989 (en) ; 1990 FIBA World Championship (en) ; EuroBasket 1991 (en) ; EuroBasket 1995 (en) ; EuroBasket 1999 (en) ; 2002 FIBA World Championship (en) ;
Posizio edo espezialitatea	pibota
Pisua	118 kilogramo
Altuera	217 zentimetro
Jasotako sariak	ikusi NBA All-Rookie Team (1990) ; J. Walter Kennedy Citizenship Award (2000) ;

Vlade Divac (serbieraz Владе Дивац; Prijepolje, Jugoslavia, gaur egun Serbia, 1968ko otsailak 3) NBAko saskibaloi jokalari ohi bat da, pibot postuan jokatzen zuena eta paseak emateko zuen trebeziagatik ezagutzen zena. Gainera, NBAren historian Ameriketako Estatu Batuetako bere karreran gutxienez 13.000 puntu, 9.000 errebote, 3000 pase eta 1500 tapoi egitea lortu duen lau jokalarietako bat da. Besteak Kareem Abdul-Jabbar, Shaquille O'Neal eta Hakeem Olajuwon dira,

2010ean laster Ospearen Aretoan gehitua izango zela iragarri zen.

Saskibaloi karrera Europan[aldatu | aldatu iturburu kodea]

Vlade Divacek saskibaloian bere lehen pausoak KK Elan Prijepolje taldean eman zituen, bere jaioterriko taldea zena, bertako talde xume batean futbol atezain izan ondoren. 1982an KK Sloga taldeagatik fitxatu zuen, honekin profesional bihurtu zelarik, eta lehen unetik Jugoslaviako talde handien arreta piztu zuen, baita gero NBAkoena ere, Belgradoko Izar Gorria taldearen aurka 27 puntu sartu ondoren. Bihozkada bailitzan, 1986an Izar Gorriaren arerio nagusia zen KK Partizan Belgrad taldeagatik fitxatu zuen.

Bere talde berriaren eskutik Divac lehenik jugoslaviar selekziora eta ondoren NBAra eraman zuten arrakastak iritsi ziren arren, ez ziren asko izan pibot honek lortutako tituluak, hauek 1987an lortutako liga nazionalera eta 1989ko Kopa nazionalera mugatuz, neurri batean, aldi berean Jugoplastika Split talde indartsuarekin topo egin zuelako. Alabaina, kontinente zaharrari urte horretako Korać Kopa irabaziz agur esan ahal izan zion.

NBA[aldatu | aldatu iturburu kodea]

Europan jokatu ostean, Divacek NBAra jauzia eman zuen, Los Angeles Lakers taldeak 1989ko Draftean 26. postuan aukeratu ondoren. Hara, denbora askoan taldeko pibot titularra izan zen Kareem Abdul-Jabbar ordezteko betebehar zailarekin iritsi zen, uda horretan bertan erretiratu zena.

Bere lehen denboraldia NBAn oso ona izan zen, denboraldi erregularreko partida guztiak jokatu baitzituen (82, baina titular bezala soilik 6), eta Rookien Boskote Idealaren zati izan zen. Gainera, laster bihurtu zen oso jokalari ezagun eta publikoak maitatua, hasieran hizkuntzarekin zituen zailtasuna gora-behera.

Bere bigarren denboraldian titular postua bereganatu zuen, eta NBAko finalera iristea lortu zuen, bere karrera osoko bakarra, bere bidean Michael Jordanen Chicago Bulls taldearekin topo egin zuen arren, hauek aukera probestu eta sail osoan 4-1 irabazi zutelarik, hala, Michael Jordanek talde horrekin lortutako sei eraztunetako lehena irabaziz.