Wikipedia:Txokoa/2009ko azaroa
Hizkuntza txantiloiak
[aldatu | aldatu iturburu kodea]Hikuntza txantiloiei buruzko proposamena egin nahiko nuke. Adibidez: (Gaztelaniaz), (Frantsesez), (Ingelesez)... ez al litzateke hobe (gaztelera), (frantses), (ingeles)... bezala agertzea? Euskarazko Wikipedia euskaldunok irakurri behar badugu eta kanpo loturak zein hizkuntzetan dauden aurrez jakiteko ez al da hobe hauek euskarazko izendapenarekin jartzea? Beharbada gutako askok english, française edo deutsch zein hizkuntza diren badakigu, baina ez adineko jendeak edota euskaldun askok.
Ez esateagatik hain ezagunak ez diren hizkuntzetara joko bagenu, noski horiek gutxietxitzeko asmorik gabe, adibidez, zenbat jendek daki zein hizkuntza diren izendapen hauek irakurriz Cymraeg, Gaeilge, Gàidhlig, Gaelg, 日本語, Српски / Srpski, Русский, Hrvatski... nere ustez hizkuntza horietarako txantiloiak euskarazko izendapenekin berrosatu beharko lirateke, horrela erabiltzaileei zein hizkuntzetan dauden jakitea erraztuko litzaieke: Galesera, Irlandera, Eskoziako gaelera, Manxera, Japoniera, Serbiera, Errumaniera, Kroaziera... Aio.
--Euskalduna 18:00, 2009ko azaroaren 1a (UTC)
- Arrazoi duzu. Euskarazko Wikipedia euskaldunontzako da eta guk ulertzen ez ditugun hizkuntzetan ezin dugu idatzi. Ni dagoeneko hasia naiz hizkuntza txantiloiak egokitzen. Ondo izan.--An13sa ✎ 14:58, 2 Azaroa 2009 (UTC)
- Nik ere egokituko nituzke edo behintzat lantegi horretan lagunduko nizuke. Halere, aldaketa horiek burutu baino lehen denon iritzia jakin edo denekin adostasun batetara iritsi nahiko nuke (behinik behin zure iritzia dagoeneko badakit). Ea gainontzeko jendea ere iritzia ematen animatzen den. Bidebatez, goian ikusi dut (Gaztelaniaz), (Frantsesez), (Ingelesez) hizkuntzen txantiloiak moldatu dituzula, langile fina haiz. Gero arte An13sa.--Euskalduna 16:28, 2009ko azaroaren 2a (UTC)
Niri ondo iruditzen zait.--Unai (esan) 16:00, 2 Azaroa 2009 (UTC)
Infotaulak
[aldatu | aldatu iturburu kodea]Ez dakit administratzaileren batek ikusi duenazken egunetako infotaulei buruzko eztabaida baina adostasun batera heldu beharko litzateke Kontzeju eta auzoen infotaulak aldatzen hasi aurretik ez?
Adrarrek nahiko ondo azaldu du egoera: http://eu.wikipedia.org/wiki/Lankide_eztabaida:Jonba00
Zariquiegui 19:14, 2 Azaroa 2009 (UTC)
- Bide batez, aurkibide txantiloietan ere adostasun batera heldu beharko genuke. Gipuzkoako udalerriak eskualdeka daude ordenaturik, eta besteak, aldiz, soilik alfabetikoki. Niri gehiago gustatzen zait bigarren era, baina beno, herriak erabaki beza. Zariquieguik aipatutako gaiari buruz, ez dut nire burua oso argi ikusten... --Janfri; bai esan? 19:15, 3 Azaroa 2009 (UTC)
- Niri ere zaila egiten zait iritzi bat ematea, nahiz eta biek pisuzko arrazoia ematen duten. Nire ustez txantiloiaren arazoa "auzo" ideia da. Ingeleraz guztietarako erabiltzen dute "settlement" baina kontzeptu hori euskaraz (bizigunea (?)) nahiko zaila egiten zait itzultzea. Agian arazoa hori da, auzo, eta ez herri edo leku jartzen duela... -Theklan • ezt
• @ 
19:25, 3 Azaroa 2009 (UTC)
- Azkenean Txantiloi:Kontzeju orokor infotaula, Txantiloi:Nafarroako kontzeju infotaula oinarria, Txantiloi:Nafarroako kontzeju infotaula, Txantiloi:Nafarroako herri infotaula eta Txantiloi:Nafarroako herri infotaula oinarria-rekin zer egingo dugu?--An13sa ✎ 19:43, 14 Azaroa 2009 (UTC)
- Beharbada bozketa antolatu beharko litzateke, orain arte moduan jarraitu edo txantiloi desberdin horiek erabiltzen hasteko. Zariquiegui 20:56, 14 Azaroa 2009 (UTC)
- Wikipedia:Bozketak/Kontzeju eta auzoen infotaulak bozketa zabaldu dut. Zariquiegui 14:38, 15 Azaroa 2009 (UTC)
- Azkenean Txantiloi:Kontzeju orokor infotaula, Txantiloi:Nafarroako kontzeju infotaula oinarria, Txantiloi:Nafarroako kontzeju infotaula, Txantiloi:Nafarroako herri infotaula eta Txantiloi:Nafarroako herri infotaula oinarria-rekin zer egingo dugu?--An13sa ✎ 19:43, 14 Azaroa 2009 (UTC)
- Niri ere zaila egiten zait iritzi bat ematea, nahiz eta biek pisuzko arrazoia ematen duten. Nire ustez txantiloiaren arazoa "auzo" ideia da. Ingeleraz guztietarako erabiltzen dute "settlement" baina kontzeptu hori euskaraz (bizigunea (?)) nahiko zaila egiten zait itzultzea. Agian arazoa hori da, auzo, eta ez herri edo leku jartzen duela... -Theklan • ezt
Bozketa amaitu da, zer egingo dugu beraz?--An13sa ✎ 14:44, 2 Abendua 2009 (UTC)
Euskal Herriko udalerrien infotaulan herritarren ezizena gehitu
[aldatu | aldatu iturburu kodea]Arratsaldeon. Lehengoan ezagun batzuekin geure herri bakoitzetako ezizen ezberdinen inguruan eztabaidan egon ginen eta zera bururatu zitzaidan: administratzaileei Euskal Herriko udalerrietako infotaulan ea bertakoen usadioko ezizena ere gehitu daitekeen eskatu nahiko nuke. Nere ustez bai ikuspuntu antropologikotik euskaldunon herri ohiturak eta hizkera gustatzen zaioen edonori, bai herrien arteko saltsa eta lehia gustatzen zaionari, eta nik uste euskaldunoi orokorrean, polita irudituko litzaigukela infotaulan udalerri bakoitzeko ezizena zein den irakurtzea. Adibidez, ba Azkoitiko infotaulan herritar = Azkoitiarrak eta ezizena = Sakelak, edota Oñatiko infotaulan herritar = Oñatiarrak eta ezizena = Txantxikuak. Adibidez: Begira udalerri hauetako herritarren ezizenen zerrenda
Gauza ederra litzatekela iruditzen zait, zer iruditzen zaizue zuei? -Euskalduna 18:25, 2009ko azaroaren 7a (UTC)
Beno oraindik inork erantzun ez duenez, Gipuzkoako udalerria txantiloian "ezizena" atala sortzea erabaki dut. Adibidea: Alegia. -Euskalduna 23:42, 2009ko azaroaren 7a
- Ezizen asko mespretxuz esaten direlakoan nago ni. Arabarroi babazorroak deitzen gaituztenean, esaterako, niri ez dit grazia asko egiten. Kasu horretarako, RAEk despect dakar. --Unai (esan) 22:50, 7 Azaroa 2009 (UTC)
- Egia da interesgarria dela ezizena agertzea (nahiz eta gaur egun gutxitan erabili). Egia da ere gehienetan mespretxuzkoak direla (Donostiarrak Kaskarinak omen gara!). Ez dakit, ez dakit... (Bide batez, babazorro ikusi dut RAEn orrian, eta katalanetik omen dator! Eta ni baba-zorro zelakoan... --josugoni (erantzun hemen) 23:13, 7 Azaroa 2009 (UTC)
- Beno, beno, katalanetik etortzearen kontu hori ez dakit oso sinesgarria denik. Begiratu hemen.--Assar; (erantzun hemen) 23:23, 7 Azaroa 2009 (UTC)
- Egia da interesgarria dela ezizena agertzea (nahiz eta gaur egun gutxitan erabili). Egia da ere gehienetan mespretxuzkoak direla (Donostiarrak Kaskarinak omen gara!). Ez dakit, ez dakit... (Bide batez, babazorro ikusi dut RAEn orrian, eta katalanetik omen dator! Eta ni baba-zorro zelakoan... --josugoni (erantzun hemen) 23:13, 7 Azaroa 2009 (UTC)
- Nere maisu batek zioenez, Gipuzkoako kasuan behintzat, ezizenak herri txikietako jendeak euren autoestima igo edo udalerri eta hiri handietako herritarren aurrean nolabaiteko defentsa edo ziria sartzeko helduleku bat izateko asmatuak izango lirateke. Adibidez: Tolosakoak "zuriak" (faltsuak), Donostiakoak "kaskarinak" edo "noñostiar" ezizen modernoagoa, Idiazabaldo "axeriak", Ataungo "otsoak"... zeozerrekin defendatu behar "aldeano" deitzen zietenean. Halere, herri ohitura hau gustatu ala ez eta duen jatorria duela ere wikipedian erregistratu beharraren aldekoa naiz. -Euskalduna 0:36, 2009ko azaroaren 8a (UTC)
Nik infotaula kontu ofizial eta objektiboetarako utziko nuke (biztanleak, azalera, dentsitatea...). Kontu etnografikoak eta bitxikeriak artikuluan gehituko nituzke, ezizenak mespretxugarriak direnean hala azalduz.--Unai (esan) 09:51, 8 Azaroa 2009 (UTC)
Adibide batzuk jarri nahiko nituzke nere ikuspuntua hobeto azaltzeko: Dublingo hiritarrek gainontzeko Irlandako uharteko baserri girokoei "Culchie" deitzen diete, irlandar ijitoak "Pikey" dira, galestarrak eta bereziki Cardiffekoak "Taffy" dira, Estatu Batuetako baserri giroko jendea "Hillbilly" dira, Estatu Batutarrak "Yankee" dira, Newcastle hiri ingurukoei "Geordie", Londonekoei "Cockney", Liverpoolekoak "Scouser"... inor ez da bere ezizenik gabe gelditzen norbaitek jarri nahi baldin badio(Ikus zerrenda hau). Ba ezizen guzti horiei ingelerazko Wikipedian artikulu osoak, zabalak eta oso interesgarriak eskeintzen dizkiete, ezizen horiek jada onerako edo txarrerako jendearen hizkeran eta usadio kolektiboan baitaude, betiere inor iraindu gabe, baina errealitatean daude. Beste kontu bat da bakoitzak bere ezizena onartzeko edo ezetatzeko hartzen duen jarrera eta filosofia. Aio. -Euskalduna 15:11, 2009ko azaroaren 8a (UTC)
Ni ere ez nago ados ezizenak taulan jartzearekin. Zergatik ezizen batzuk bai eta besteak ez? Bilbokoan "harroputzak" jarriko dugu?(barka bilbotarrek, adibidea da soilik). Esan den moduan, taulan informazioa ofiziala edo objektiboa soilik jarriko nuke. Ez dakit aipatu duzuen, baina badugu informazio hau Wikipedian (eta ezabatzekotan ibili ginen). Ikus: Gipuzkoako herrietako ezizenak eta Bizkaiko herrietako ezizenak. --Orereta (erantzunak) 01:54, 14 Azaroa 2009 (UTC)
Bilbotarrak harroputzak direla, hori ez da ezizena, hori jada eurei buruzko iritzi bat edota gaztelerazko txiste txarretan bilbotar eta euskaldunoi orokorrean jarritako ospea da. Bilbori "Botxo" edo "Zazpi Kale" ezizenekin deitzen zaiola beste gauza bat litzateke. Gipuzkoako udalerrietako herritarren ezizenak ez dira iritziak, jada euskaldunon artean ohitura handia duten ezizenak baizik, udalerri horietako herritarren herritartasun "ofizialaren" adineko bezain beste. Legorretako bat "Pikua" dela, Oñatiko bat "Txantxikua", Legazpikoa "Ilintxa" edota Idiazabalgo bat "Axeria" informazio nahiko objetiboa ez bada, galdetu herri horietako biztanleek euren buruei nola deitzen dieten. --Euskalduna (esaidak hemen) 23:21, 2009ko azaroaren 14a (UTC)
- Ba horrela bada, Gipuzkoako herrietako ezizenak artikulua, adibidez, ez litzateke ezabatu behar; baina ni ez nago ados informazio hori taulan jartzearekin. Nire ustez iritziak argi daude jada. --Orereta (erantzunak) 09:15, 16 Azaroa 2009 (UTC)
IP bandaloak blokeatu
[aldatu | aldatu iturburu kodea]Arratsalde osoa bandalismoa desegiten pasatu ondoren, IP anonimoak betiko blokeatzea eskatzen dut berriro ere. Oraindik aurrera, nik ez dut bandalismo gehiagorik desegingo.--Assar; (erantzun hemen) 19:13, 9 Azaroa 2009 (UTC)
- Ondo da, baina den-denak ez ditugu betirako blokeatuko, ezta? Badakizu ez duela ezertarako balio IP dinamikoa baldin badute. Nik oraintxe bertan betirako blokeatu ditut hau eta hau, ikusten delako IP finkoetatik ari direla... --Unai (esan) 19:31, 9 Azaroa 2009 (UTC)
Nik hemendik aurrera blokeo gogorragoak ezarriko ditut.--Unai (esan) 19:37, 9 Azaroa 2009 (UTC)
Eta bi administratzaile gehiago behar ditugu: An13sa eta Zariquiegui proposatzen ditut, haiek nahi badute, eta edizio gehiago dituztenek ez badute nahi.--Unai (esan) 19:40, 9 Azaroa 2009 (UTC)
- Aurreko batean eskatu nuena bezalako plugin bat instalatu behar dela uste dut. Begiratzen egon naiz, eta eskaria egin behar da Wikimediaren bugzillan. Informazio gehiago, hemen eta hemen. Hala ere, hau eskatzeko lehenengo botazio bat egin beharko litzateke euskal wikipedian wikilarien artean. Nik wikieu-l posta zerrendan ere aterako nuke gaia. Administratzaile berriei dagokienez, nik ere uste dut behar direla; hori ere botazio baten bidez egin behar da.--Assar; (erantzun hemen) 20:25, 9 Azaroa 2009 (UTC)
- Ados. Bi bozketa horiek egin behar ditugu. Administratzaileei dagokienez, nortzuk aurkezten dira? Ados al zaudete An13sa eta Zariquiegui? Beste norbaitek aurkezten al du bere burua? Agian zuk zeuk, Assar? Patxi Lurra? Orereta? Xabitxu? Marklar? Euskalduna? Tximist? Denok zarete wikilari apartak, baina nik agian lehen biok ikusten zaituztet sutsuago bandalismoaren aurka... Nor aurkezten da?--Unai (esan) 10:04, 10 Azaroa 2009 (UTC)
- Ni ere Unairekin ados nago bozketak egin behar direlako gaiaren inguruan, bi arrazoiengatik: bata, zuek diozuen bezala bandalismoari hobekiago aurre egiteko, bigarrena, nere iritziz euskarazko Wikipedia aldiro handituz doan einean administraritzaren lan karga modun hobean banatzeko administratzaile kopurua ere apur bat zabaldu egin beharko litzakelako.
- Bestalde, beharbada ergelkeri bat izango da, baina proposamen bat dut: administratzaile edo erabiltzaileen artean moldatu eta onartutako bandalismoaren inguruko testu bat idaztea: wikipediazale edo erabiltzailearen jokabide zuzena, zer egin eta zer egin behar ez den (adibideekin), wikipedia proiektua zer den eta zein den bere helburua, wikipearekiko begirunea, euskararekiko begirunea, wikipediak euskararen eta euskaldunontzako izan ditzazkeen onurak eta abantailak, hitz batez, bandalo horien jokabidea aldatu eta wikipediazale bilakatzen saiatuko litzakeen testu bat idaztea... eta testu hori idatzi ondoren "Bandalismoa euskarazko Wikipedian", "Euskarazko Wikipediaren helburua" edota "Bandaloek irakur dezaten" izenburupean euskarazko Wikipediaren azaleko goikaldean ongi ikusten delarik denbora batez itsatsitzea (denbora epe batean bandalismoa jeitsi edota igotzen den iusi arte). Ea horrela bandaloek hau irakurri (dirudienez gehienak ikasle euskaldun aspertuak dirudite) eta bere ekintzengatik lotsatu, heldutasunean edo zentzuan sartu eta behar bezalako artikuluak sortzen hasten diren. Ondo segi.
:::--Euskalduna (esaidak hemen) 11:54, 2009ko azaroaren 10a (UTC)- Hori existitzen da jadanik, bandaloei jartzen zaien kartel gorrian esteka bat dago helbide honetara. Agian osatu eta hobetu egin daiteke orri hori.--Assar; (erantzun hemen) 20:47, 10 Azaroa 2009 (UTC)
- Ni ere Unairekin ados nago bozketak egin behar direlako gaiaren inguruan, bi arrazoiengatik: bata, zuek diozuen bezala bandalismoari hobekiago aurre egiteko, bigarrena, nere iritziz euskarazko Wikipedia aldiro handituz doan einean administraritzaren lan karga modun hobean banatzeko administratzaile kopurua ere apur bat zabaldu egin beharko litzakelako.
- Ados. Bi bozketa horiek egin behar ditugu. Administratzaileei dagokienez, nortzuk aurkezten dira? Ados al zaudete An13sa eta Zariquiegui? Beste norbaitek aurkezten al du bere burua? Agian zuk zeuk, Assar? Patxi Lurra? Orereta? Xabitxu? Marklar? Euskalduna? Tximist? Denok zarete wikilari apartak, baina nik agian lehen biok ikusten zaituztet sutsuago bandalismoaren aurka... Nor aurkezten da?--Unai (esan) 10:04, 10 Azaroa 2009 (UTC)
Mesedez blokeatu
[aldatu | aldatu iturburu kodea]80.58.205.49 helbidea, ordu erdi darama dena hankaz gora jartzen. Zariquiegui 20:34, 9 Azaroa 2009 (UTC)
Bot bati eskaria
[aldatu | aldatu iturburu kodea]Kaixo. Botei eskari hau egin nahi diet:
Kategoria:Merkatu finantzieroak
ordez,
Kategoria:Finantza merkatuak
jarri
lehenengo kategoria hutsik geratzen denean, ezabatu egin daiteke.Milesker. 16:18, 13 Azaroa 2009 (UTC)Joxemai
Euskararen eguna / Durangoko azoka
[aldatu | aldatu iturburu kodea]Hurrengo astean Euskararen eguna eta Durangoko azoka ospatuko direla eta, goian ezkerrean agertzen den Wikipediaren logo bereziren bat prestatu beharko dugu ez? Zariquiegui 22:37, 26 Azaroa 2009 (UTC)
- Nere ustez bai. Halere nere kasuan gogoa eta diseinuentzako ideiak bai baina ez dut logoren bat diseinatzeko marrazketa programa egokirik, hortaz hori betiko disenatzaileen esku legoke. Euskalduna 13:55, 2009ko azaroaren 27a (UTC)
Proposamenak
-
Oraingo irudia
-
Abenduak 3
-
Azoka bitartean
- Niri Theklanek proposatutako bi irudiak gustatzen zaizkit. Beharbada, nere iritziz hirugarren irudiari Durangoko Euskal Liburu eta Diskaren Azoka hitzak itsatsiko nizkioke (behinik behin izen hori erabiltzeak jabego eskubideak urratzen ez baldin baditu). Euskalduna 19:45, 2009ko azaroaren 29a (UTC)
Ni euskararen egunaren alde, azokaren kontra. Nahiz eta bertara peregrinazioan noan, ez dakit zein zerikusi izan dezakeen wikipediagaz: enpresa handi gutxi batzuk kontrolatutako azoka, copyright itxiarekin, betikoen poltsikoak diruz betetzen... Ez da ez libre ez doako. Eta azokekin jarraituta, Getxoko komiki azoka, Sarako biltzarra... Badira beste asko, eta ez dut ulertzen zergatik bat bai, ta besteak ez (nahiz eta agian interesgarriak izan daitezkeen).
Euskararen egunerako, agian ipini daiteke euskararekin zerikusia duen zerbait (e bikoitza edo, ez dakit).--Janfri; bai esan? 19:27, 29 Azaroa 2009 (UTC)
- Eta argitxo iratxoaren irudi bat jartzen badugu logoan, euskararen eguna ospatzeko?--An13sa ✎ 15:10, 2 Abendua 2009 (UTC)
Barka baina guzti hau beranduegi irakurri dut. Euskararena berez hobetu zitekeen eta hurrengo urterako zerbait politagoa egin dezakegu. Azokarena ba egia da parte batean, baina nik uste euskal kulturaren erakusleiho garrantzitsua dela. Eta guztia ez da copyrightduna, badira lizentzia librea duten gauzak ere. Nahi izanez gero hurrengo urtean eztabaidatuko dugu hauxe. -Theklan • ezt
• @ 
10:58, 5 Abendua 2009 (UTC)
Sitenotice
[aldatu | aldatu iturburu kodea]Sitenoticean jartzen duen euskarazko wikipediari buruzko balorazioarena kendu daiteke, galdetegia itxi baitut. Emaitzak abenduaren 3an (Euskararen egunean) argitaratuko ditut Txokoan.--An13sa ✎ 11:25, 27 Azaroa 2009 (UTC)
Euskarazko Wikipediak 280 erabiltzaile aktibo.
[aldatu | aldatu iturburu kodea]Aste honetako egun batzuetan zehar euskarazko Wikipediak 280 erabiltzaile aktiboen kopurura ailegatu eta mantendu da. Nik uste orain arte (edo behintzat ni hemen nabilenetik) erabiltzaile kopuru handiena izan dela. Adibide gisa: egun horietan zehar artikulu kopurua eta tamainari dagokionez aurreragoxeago doan galizierazko Wikipediak (52.214 artikulu) baino erabiltzaile aktibo gehiago izan ditugu, gure 280en aurrean hark une batzuetan 268 erabiltzaile aktibo izan dituelarik (ikus hemen). Nik uste datu hau ere euskarazko Wikipediak urte honetan zehar izan duen hazkuntzaren adierazle garbia dela. Aio. --Euskalduna (esaidak hemen) 20:00, 2009ko azaroaren 13a (UTC)
- Edo izan dugun bandalismoaren ondorioa ere izan daiteke. Kontuan izan erabiltzaile aktibo azkeenko hilabetean aldaketaren bat egin duen erabiltzaile edo IP oro dela. -Theklan · ezt · @ 19:32, 13 Azaroa 2009 (UTC)
Egunkariaren aldeko jaia eta proposamena
[aldatu | aldatu iturburu kodea]Hurrengo larunbatean, azaroaren 28an, Donostiako Kursaalean Egunkariaren aldeko jaia ospatuko dute, Egunkaria auzian inputatuta daudenentzat diru-bilketa bat egiteko.
Jakingo duzuenez, laster burutuko da Madrilen Egunkariaren administrazio-kontseiluko partaideen aurkako epaiketa. Iñaki Uria, Martxelo Otamendi, Juan Mari Torrealdai, Txema Auzmendi eta Xabier Oleaga akusatuen aulkian eseriko dira Audientzia Nazionalean, ETAko kide izateko akusaziopean.
Hondarrean, epaitzen dena ez da erakunde terrorista baten partaidea izatea (lehenengo epaiketan absolbituak izan baitziren) edo delitu ekonomiko egitea, euskara eta euskal kulturaren alde egindako lan itzela baizik. Hori, jakina, ez dute zuzenean aitortuko akusatzaileek (Dignidad y Justicia eta AVT erakundeek), haien benetako arrazoiak mozorrotzen dituztelako. Euskal gizartearen gehiengoak,ordea, ondo baino hobeto daki -akusatuen ibilbide profesionala ikusita- zein den haien delitu bakarra: euskaltzaletasuna. Erdararen itsaso zabalean leku bat bilatzea euskarari, komunikabide idatzien arloan, kasu honetan.
Euskarazko Wikipedia egiten dugunok (nahi dutenek, behintzat) gure elkartasuna luza geniezaieke akusatuei, kinka larri honetan. Ez dakit nola islatu liteken elkartasun hori, ez dakit ere egokia ikusiko duzuen, baina edozein kasutan lerro hauen bitartez gogoeta egitera animatu nahi dizuet. Ontzat jotzen badugu, agian txoko honetan bertan gai berri bat egin genezake, "Egunkariaren alde" edo, nahi duenak bere elkartasuna luza dezan. Zer deritzozue? Josu 21:36, 20 Azaroa 2009 (UTC)
- Uste dut Euskarazko Wikipedia ez genukela politika gaietan sartu behar, agian arazoak izan ditzazkegu. Elkartasuna pertsonalki adierazi diezaiokegu Egunkariakoei, baina Wikipediaren izenean hobe ez.--An13sa ✎ 10:08, 21 Azaroa 2009 (UTC)
- An13sak esandakoa zuzena da. Duda izanez gero, begiratu Wikipedia zer den. Ondo izan! -- Marklar 11:24, 21 Azaroa 2009 (UTC)
Bandalismoa eta aurrebista
[aldatu | aldatu iturburu kodea]Uste dut badela garaia duela egun batzuk Txokoan aipaturiko gauza bat eztabaidatzeko. Beste Wikipedia batzuetan egin bezala, "gorde" botoiari eman aurretik aurrebistari emateko aukera bakarrik egon beharko litzateke erregistratutako lankide ez diren guztientzat. Ganorazko zerbait idazten duen IP bakarra ezagutzen dut (Argia astekariko kanpo loturak eta edukiak jartzen dituena).
Ezinezkoa da egunero ordu erdiz egon behar izatea umemokoen lerdokeriak ezabatzen, niri behintzat Wikipedian lan egiteko gogoak joaten zaizkit. Zariquiegui 17:55, 20 Urria 2009 (UTC)
- Nik ez dakit hori nola jartzen den, ikertu beharko litzateke. Hala ere ez dut uste hainbesterako denik, eta badira ekarpen onak egiten dituzten IP anonimoak. Urrunago joan gabe, nahiz eta euren jarrera ez zaidan gustatzen, Sanchez Carrionen artikulua nabarmendu dugu eta IP anonimoek egin dute oso osorik. Beste zuzenketa batzuk, adibidez, modu berdinean egiten dituzte IP anonimoek. -Theklan · ezt · @ 18:06, 20 Urria 2009 (UTC)
- Nahiz eta Theklanekin ados egon, nik ere Zaraquieguik proposatutakoa aztertuko nuke. Nahitaez lehenengo aurrebista egitea ideia ona iruditzen zait, IP anonimoentzat batez ere. Baina horrelako kontu teknikoei buruz nik gutxi dakit... --josugoni (erantzun hemen) 21:18, 20 Urria 2009 (UTC)
Azkenaldian IP bandalo gehiegi dituzue, nik aurrebistarena egingo nuke, oraintxe sartu naiz eta azken aldaketen ehuneko oso altu bat IP bandaloenak direla ohartu berri naiz 83.175.202.27 15:54, 3 Azaroa 2009 (UTC)
Abestiei buruzko artikuluak
[aldatu | aldatu iturburu kodea]Duda sortu zait abesti batzuen letrak Wikipediako artikulu bilakatuta ikusi ostean hauek hemen edo Wikisourcen egon behar ote diren. Zer deritzozue? -Theklan · ezt · @ 20:35, 13 Azaroa 2009 (UTC)
- Euskarazko abestiei buruz hizketan ari baldin bazara, nere iritzia Wikipedian horiek bere horretan uztekoak da.
:--Euskalduna (esaidak hemen) 20:55, 2009ko azaroaren 17a (UTC)
Erreferentziak
[aldatu | aldatu iturburu kodea]Kaixo denoi. Laguntza:Erreferentziak pixka bat osatu dut, ea zer iruditzen zaizuen. Egin dudan aldaketa nagusia {{Erref behar}} txantiloia gehitzea izan da, euskarazko wikipedian ez genuen txantiloi garrantzitsua. Handitzen doan entziklopedia honen edukien egiazkotasuna bermatzeko ezinbestekoa da erreferentziak izatea. Gehienok dakizuenez, beste wikipediatan agertzen da hori, datu edo esaldi baten erreferentzia eskatzeko. Horrela agertzen da: Donostia munduko hiri ederrena da[erref. behar]. Datuak eztabaidagarriak (edo garrantzizkoak eta erreferentzia gabeak) direnean erabili beharrekoa. Zuzenean erreferentzia ez baldin badugu, noski... --josugoni (erantzun hemen) 21:19, 17 Azaroa 2009 (UTC)
Fernão de Magalhães
[aldatu | aldatu iturburu kodea]Kaixo! Taula batzuk jarri nahi nituzke hor, baina ez dakit nola egiten den... Norbaitek konpondu dezake hori? Eskerrik asko Koro 09:02, 30 Azaroa 2009 (UTC)
Egina 12:29, 30 Azaroa 2009 (UTC)Joxemai