Zülo

Zülo
Datuak
Jatorria	Zarautz (Gipuzkoa)
Musika mota	Hardcore punk
Urteak	2004 - 2005
Taldekideak
	Izotz; Abuelo; Aros; Arri ; Murray
Informazio gehigarria
	Züloren webgunea

Zülo 2004. urtean jaiotako Zarauztar Hardcore punk musika taldea zen. Metralleta eta Erantzuneko taldekide batzuk sortu zuten, proiektu paralelo batean. Hasiera batean, inongo abeslaririk gabe entsaiatzen hasi ziren gitarra, baxu eta bateria. Hainbat entsegu egin ostean, Txixaparraztako kidea den Aubelo elkartu zitzaien abeslari moduan.

Hala ere, bigarren abeslari baten beharrak, hau bilatzera bultzatu zuten. Horrela, 2004-ko urria-azaroa aldera bigarren abeslari bat aurkitzea lortu zuten eta taldea guztiz osatua zegoela, proiektua finkatzea lortu eta seriotasun gehiagorekin lanean jarraitu zuten. Taldea guztiz osatu eta bi hilabetera lehen kontzertua eman zuten. Beraien musika estiloa, Powerviolence etiketapean katalogatua izan zen.

2004ko abenduan, lehen demoa grabatu zuten 11 abestiz osatua. Diska hau K7 formatuan eta miniCD formatuan kaleratua izan zen Metralleta taldearekin elkarbanatua.

Beraien ibilbide guztian, hainbat kontzertu eman zituzten Euskal Herri guztian eta baita besteren bat ere Espainiar estatuan. 2005ean, 10 eguneko Europar bira egin zuten, Alemania, Frantzia, Suitza edo Belgika bezalako Herrialdeetan joz. Bira amaierako azken kontzertuan, Lyonen (Frantzia) zeudela, arazoak izan zituzten Polizia Frantsesarekin, hauek jotzen ari ziren etxe okupatua desalojatu nahi izan zuen. Tentsiozko gau baten ostean birako furgoneta eraman eta bi egun gehiago pasa behar izan zituzten hirian bertan.

2007-an taldeko partaideak berriz elkartu ziren Zarauzko Putzuzulo Gaztetxeko urteurrenean gustoko taldeen bertsio batzuk jotzeko. 2010ean berriz Arraio Irratiaren urteurren kontzerturako elkartu ziren azken aldiz kontzertu bat emateko.

Taldekideak[aldatu | aldatu iturburu kodea]

Aros- Bateria
Lope - Gitarra
Murray - Baxua
Abuelo - Ahotsa
Izotz - Ahotsa

Diskografia[aldatu | aldatu iturburu kodea]

Maketa (2005)

Deja de ladrar

Errealitateaz ihesi

Hipokriten erreinuan

A Nation sleep (Dropdead)

Urinal cake (Spazz)

Israel

Nire aukera

Naturaren hilketa

Microsoft

Cancer

Bake amets

Bildumetako partehartzeak[aldatu | aldatu iturburu kodea]

"Etxe hutsa birziklatu" abestia ZAGA 10 urte bilduman (2005).

"Nire aukera" abestia MusikHerria 1. bilduma bilduman (MusikHerria, 2005).

"Bake amets" abestia Musika askea mundurat bilduman (2006).

Kanpo estekak[aldatu | aldatu iturburu kodea]

Züloren web orria

Datuak: Q12269522