Zgjoi

Wikipedia, Entziklopedia askea
Zgjoi
Jatorria
Argitaratze-data2021
IzenburuaHive
Jatorrizko hizkuntzaalbaniera
Jatorrizko herrialdeaSuitza, Ipar Mazedonia, Kosovo eta Albania
Banatze bideaeskatu ahalako bideo
Ezaugarriak
Genero artistikoafilm dramatikoa
IraupenaAdierazpen errorea: Hitz ezezaguna "eta"
Zuzendaritza eta gidoia
Zuzendaria(k)Blerta Basholli (en) Itzuli
[[Kategoria:Blerta Basholli (en) Itzuli zuzendutako filmak]]
Gidoigilea(k)Blerta Basholli (en) Itzuli
[[Kategoria:Blerta Basholli (en) Itzuli idatzitako filmak]]
Antzezlea(k)
Yllka Gashi (en) Itzuli
Çun Lajçi (en) Itzuli
Aurita Agushi (en) Itzuli
Adriana Matoshi (en) Itzuli
Kumrije Hoxha (en) Itzuli
[[Kategoria:Yllka Gashi (en) Itzuli antzeztutako filmak]]
[[Kategoria:Çun Lajçi (en) Itzuli antzeztutako filmak]]
[[Kategoria:Aurita Agushi (en) Itzuli antzeztutako filmak]]
[[Kategoria:Adriana Matoshi (en) Itzuli antzeztutako filmak]]
[[Kategoria:Kumrije Hoxha (en) Itzuli antzeztutako filmak]]
Ekoizpena
EkoizleaBritta Rindelaub (en) Itzuli
[[Kategoria:Britta Rindelaub (en) Itzuli ekoitzitako filmak]]
EdizioaEnis Saraçi (en) Itzuli
Félix Sandri (en) Itzuli
Argazki-zuzendariaAlex Bloom (en) Itzuli
Historia
Jasotako sariak

IMDB: tt13648212 Allocine: 288924 Rottentomatoes: m/hive Edit the value on Wikidata

Zgjoi (euskaraz: «erlauntza») 2021eko Blerta Basholli kosovar zinema zuzendariaren film dramatikoa da.

Argumentua[aldatu | aldatu iturburu kodea]

Oharra: Atal honek istorio osoa edo amaiera argitzen du.

Fahrije da istorioko protagonista; 30 urte inguruko emakume bat da, bere herriko beste emakume asko bezala Kosovoko Gerra odoltsuaren ondorioz alargun geratu dena, senarrak hil edo desagertu egin direlako. Krushë e Madhe (serbieraz: Velika Kruša) herrixkak dira, eta 1999a da urtea. Emakumea bere aitaginarrebarekin, seme txikiarekin eta alaba nerabearekin bizi da etxetxo batean.[1]

Fahrijeren kasua berezia da Kosovoko landagune patriarkal gordinean: bera baita Pristina herriraino autoa gidatu eta senar zuenaren erleak zaintzen dituena. Herri horretako emakumeei autoko gidabaimena ateratzeko klaseak ordaintzeko prest azalduko da gobernuz kanpoko erakunde bat, baina guztiek muzin egingo diote aukerari. Emakume horietako batek jakinaraziko dio Fahrijeri herrian zurrumurruak zabaldu direla bere bizitza «beregaina eta emantzipatua» delako. Kafetegi batean bakarrik esertzen den emakume bat edo autoa gidatzen duen bat familiarentzat eta komunitatearentzat lotsaizuna besterik ez da. Fahrijeren alabak berak puta deituko dio eszena bereziki gordin batean.[1]

Protagonistak ez du atzera egingo, ordea, eta komunitateko emakumeak bere etxean bilduko ditu ajvar-a prestatzeko; Balkanetako jaki bizigarri ezaguna da ajvar-a eta supermerkatu bat prest dago haiek ekoitzitakoa saltzeko. Arazoak ugarituko dira, bata bestearen atzetik; pobreziari ez ezik, gizonen mespretxuari ere aurre egin beharko diote; eta, artean, bere senar Agin ezin behar bezala agurtuta geratuko da.[1]

Bashollik emakumeen indarraren, asmamenaren eta batzeko gaitasunaren inguruko istorio bat harilkatu du bere estreinako lanean, baina ikuspegi sinplistatik aldenduz, eta gaiaren konplexutasunari eta iluntasunari ertzak topatuz. Kosovoko landagunearen erretratua ere bada, bere idortasun, bere edertasun: bere gizonkeria, bere bortizkeria. Eta argi printzetarako, emakumeen batzeko gogoa, naturari eta euren harremanei eustekoa.[1]

Aktoreak[aldatu | aldatu iturburu kodea]

  • Yllka Gashi: Fahrije
  • Çun Lajçi: Haxhi
  • Aurita Agushi: Zamira
  • Kumrije Hoxha: Nazmije
  • Adriana Matoshi: Lume
  • Molikë Maxhuni: Emine
  • Blerta Ismaili: Edona

Erreferentziak[aldatu | aldatu iturburu kodea]

  1. a b c d «Emakumeen erlauntz bat» Berria 2022-02-26 CC BY-SA 4.0 lizentziapean.

Kanpo estekak[aldatu | aldatu iturburu kodea]


Zinema Artikulu hau zinemari buruzko zirriborroa da. Wikipedia lagun dezakezu edukia osatuz.