Zingira-dontzeila

Zingira-dontzeila
	Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Hexapoda
Ordena	Lepidoptera
Familia	Nymphalidae
Leinua	Melitaeini
Generoa	Euphydryas
Espeziea	Euphydryas aurinia; Rottemburg, 1775
Datu orokorrak
Ostalaria	Succisa pratensis, Knautia arvensis, Scabiosa columbaria, Dipsacus eta Lonicera etrusca

Zingira-dontzeila (Euphydryas aurinia) Euskal Herrian aurki daitekeen tximeleta bat da, Nymphalidae familiakoa. Europatik hasi eta Txinaraino zabaldurik dago zingira-dontzeila^[1].

Deskribapena

Tamaina ertaineko tximeleta da, 30-42 mm arteko hego zabalera dute arrek^[2] eta emeak handiagoak dira, 40-50 mm^[3]. Azpiespezieen arabera koloreztapen desbedina izan dezakete, baina orokorrean kolore arrea, laranja eta horia nahasten dute gelaxkak sortuz. Gainaldean kolore marroia agertzen den tokian azpialdean zuria agertzen da.

Arrautzak horiak dira eta beldarra beltza.

Bizi zikloa

Maiatza eta ekaina artean hostoen azpietan jartzen dituzte arrautzak. Handik hiru astetara beldarrak jaiotzen dira. Udazkenean sarea eratzen dute inguruan eta hibernatzeko prestatzen dira. Udaberrian lozorrotik atera eta martxoaren amaieran pupa sortzen dute. Maiatzean agertzen dira tximeleta helduak. Tximeleta helduak gehienez ere bi aste bizi dira^[4].