Edukira joan

Zita eta Gita Rezakhanova

Wikipedia, Entziklopedia askea
Zita eta Gita Rezakhanova

Bizitza
Jarduerak

Zita Rezakhanova (Zapadnoie, 1991ko urriaren 19a – Voienno-Antonovka, 2015eko urriaren 29a) eta Gita Rezakhanova (Zapadnoie, 1991ko urriaren 19a) lezgin jatorriko kirgizistandar biki siamdar iskiopagoak izan ziren, 2003an arrakastaz bananduak. Zita 2015ean hil zen gaixotasun larri baten ostean.

Bizitza

[aldatu | aldatu iturburu kodea]

Zumriat eta Raxid Rezakhanoven alabak, Zita eta Gita Rezakhanova 1991ko urriaren 19an jaio ziren Kirgizistango Zapadnoie herrian. Seeta Aur Geeta filmeko pertsonaien omenez jarri zizkieten izenak. Gurasoei alabak hazteari uko egiteko aukera eskaini zieten, baina ez ziren ados jarri.

2003ko martxoaren 26an, Moskuko Filatov ospitaleko medikuak ebakuntza arrakastatsua egin zuen ahizpak banantzeko. Guztira hiru urte eman zituzten Moskun, eta amak errusiar herritartasuna lortzeko saiakerak egin zituen arren, neskak Kirgizistanera itzuli ziren[1].

2010ean, Rezakhanov familiak Dmitri Medvedev Errusiako presidentearen administrazioaren gutun bat jaso zuen, 9. maila amaitu ondoren, Zita eta Gita Moskuko Medikuntza Eskolan azterketarik gabe onartuko zituztela eta bertan doan ikasi ahal izango zutela zioena. Hala ere, promesa hori ez zen inoiz bete[2].

2012aren hasieran, Ramzan Kadyrov Txetxeniako presidenteak Zita eta Gita tratatzeko dirua bideratu zuen[3].

Ahizpek Pust govoriat saioan parte hartu zuten, azken aldiz 2013ko martxoaren 12an. Airean, Groznyko Akhmat Kadyrov meskita bisitatzeko nahia adierazi zuten. Egun berean Ramzan Kadyrovek gonbidapena bidali zien, eta martxoaren 19a Groznyra joan ziren amarekin batera[4].

Geroago, Zitak osasun-arazo larriak izan zituen. 2013ko ekainaz geroztik, ospitalean egon zen. Guztira hamahiru hilabete eman zituen Moskuko hainbat ospitaletan, eta geroago Bixkekeko ospitalera eraman zuten. Begi batean ikusmena guztiz galdu zuen, eta bestean urritu zitzaion. 2015eko urriaren 29an hil zen gurasoen etxean, Voienno-Antonovka herrian[5]. Heriotzaren kausa organo anitzeko gutxiegitasuna izan zen[6].

2016an, Gita Rezakhanovak Errusiako herritartasuna lortu zuen Errusiako ospitaleetan oztoporik gabe tratamendua jasotzeko[7]. Ox hiriko eskola musulman batean ikasi zuen. 2018an Korana buruz ikasi zuen eta hafiz titulua jaso zuen[8]. 2017an koloneko minbizia diagnostikatu zioten[9][10][11].

Erreferentziak

[aldatu | aldatu iturburu kodea]
  1. ↑ (Errusieraz) «Разделенные сиамские близнецы Зита и Гита просят оставить их в России» News.rin.ru jatorrizkotik artxibatua (artxibatze data: 2010-01-04) (Noiz kontsultatua: 2024-07-25).
  2. ↑ (Errusieraz) «Зита и Гита не могут забыть обещание Дмитрия Медведева» Радио Азаттык 2012-09-07 (Noiz kontsultatua: 2013-04-10).
  3. ↑ (Errusieraz) «Кадыров помог киргизским Зите и Гите» Комсомольская правда 2012-01-29 (Noiz kontsultatua: 2024-07-25).
  4. ↑ (Errusieraz) «Сестры Зита и Гита Резахановы прибыли в Грозный» Информационный сервер Главы и Правительства ЧР 2013-03-19 jatorrizkotik artxibatua (artxibatze data: 2014-09-06) (Noiz kontsultatua: 2024-07-25).
  5. ↑ (Errusieraz) Косенов, Алдияр. «В Бишкеке скончалась одна из разделенных сиамских близнецов» Tengri News 2015-10-30 (Noiz kontsultatua: 2024-07-25).
  6. ↑ (Errusieraz) «Умерла сиамский близнец Зита Резаханова» Lenta.ru 2015-10-30 (Noiz kontsultatua: 2024-07-25).
  7. ↑ (Errusieraz) «Сиамский близнец Гита Резаханова получила российский паспорт» РИА Новости 2016-03-04 (Noiz kontsultatua: 2024-07-25).
  8. ↑ (Errusieraz) Мударисов, Арслан. «Гита стала хафизом за себя и сестру Зиту» Alif 2017-08-25 (Noiz kontsultatua: 2024-07-25).
  9. ↑ (Errusieraz) «Мать Зиты и Гиты рассказала о судьбе выжившей девочки: нужна операция» 365 News 2020-03-15 (Noiz kontsultatua: 2024-07-25).
  10. ↑ (Errusieraz) «После смерти Зиты ее сестра-близнец Гита уже несколько лет борется с раком» EG.RU 2021-03-21 (Noiz kontsultatua: 2024-07-25).
  11. ↑ (Errusieraz) ««Зита дольше страдала»: уже год Гита, потерявшая сестру, борется с раком» Star Hit 2020-10-13 (Noiz kontsultatua: 2024-07-25).

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Zita_eta_Gita_Rezakhanova&oldid=9859079"(e)tik eskuratuta