Juan Agustin Zumalabe
Wikipedia(e)tik
(Agustin Zumalabetik berbideratua)
Juan Agustin Zumalabe Mendiburu (Donostia, Gipuzkoa, 1914 - 1981) euskal olerkaria eta itzultzailea izan zen. Donostiako akademia bateko irakaslea zen. Bernardo Estornésen gaztelerazko obra bat euskaratu zuen, Sabin Euskalduna izenburupean (1935). Urte berean euskaratu zuen Jules Verneren Munduari bira 80 egunetan obra, baina 1936. urtean itzulpena desagertu egin zen Eusko Ikaskuntza elkarteko bulegotik. Harena da, halaber, Joku ta kirolak obra (1935). Aingeru Irigarairekin eta Imanol Olaizolarekin batera Eusko Ikaskuntza berpiztea lortu zuten 1978. urtean, eta bertako idazkari nagusi izan zen hil arte.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
