Aingeruak nekez ausartzen diren tokian

Aingeruak nekez ausartzen diren tokian
Jatorria
Egilea(k)	Edward Morgan Forster
Argitaratze-data	1905
Izenburua	Where Angels Fear to Tread
Jatorrizko herrialdea	Erresuma Batua
Argitaletxea	William Blackwood (en)
Ezaugarriak
Genero artistikoa	eleberria
Hizkuntza	ingelesa
Egile-eskubideak	jabetza publiko, copyrightduna eta copyrightduna

Aingeruak nekez ausartzen diren tokian (euskaraz: «Where Angels Fear to Tread») E. M. Forster idazleak 1905ean plazaratu zuen eleberria da. Izenburua Alexander Poperen An Essay on Criticism liburuaren lerro batetik dator: "For fools rush in where angels fear to tread" (Aingeruak zapaltzeko beldur diren tokietan ergelak sartzen dira).

Laburpena[aldatu | aldatu iturburu kodea]

Aingeruak nekez ausartzen diren tokian Forsterrek argitaratutako lehendabiziko eleberria da, 1905ean hain zuzen ere. Ingelesa izan arren, herri eta kultura mediterraneoenganako interes handia izan zuen beti eta Italian gertatzen da hemen kontatzen zaigun istorioa. Pertsonaia nagusiak bi emakume ingeles eta gizon italiar bat dira eta liburuak bi kultura ezberdinon arteko gatazka erakusten digu, pertsonaiek bizi dituzten egoeretan oinarriturik. Forsterrek XIX. mendeko hizkuntza elaboratu eta korapilatsuari utzi eta hemen estilo libreago eta ahozkoagoa erabili zuen. Bere garaiko gizarteari buruzko ardura erakutsi zuen beti eta gizarte maila ertaineko bizimoduaren begirale zehatz eta zorrotza izan zen.^[1]

Bertsioak[aldatu | aldatu iturburu kodea]

BBCk 1966an egokitu zuen eleberria telebistarako, Hilabeteko Antzezlan gisa. 1991n Charles Sturridgeren pelikula bihurtu zen, Rupert Graves, Giovanni Guidelli, Helen Mirren, Helena Bonham Carter eta Judy Davis aktoreek antzeztu zuten. Eleberriaren hamar ataleko irrati-moldaketa bat eman zen BBC Radio 4-n. Mark Weiserek eleberria opera gisa estreinatu zuen Peabody Institute of Music-en, 1999an, eta 2015ean izan zuen estreinaldi profesionala Kaliforniako Opera San Josén.

Bibliografia[aldatu | aldatu iturburu kodea]

Edward Morgan Forster: Aingeruak nekez ausartzen diren tokian, Ibaizabal, 1993, 90 orri, ISBN: 84-7992-187-0. Itzultzailea Idoia Santamaria. Literatura Unibertsala bildumaren barruan argitaratutako lana, itzulpen-lehiaketa irabazi ondoren.