Aleksei Leonov

Wikipedia(e)tik
Hona jo: nabigazioa, Bilatu
Aleksei Leonov
Алексей Леонов
Aleksey Leonov ASTP - cropped.jpg
Sobietar kosmonauta
Herrialdea  Sobietar Batasuna
Egoera Hilik
Jaiotza 1934ko maiatzaren 30a (80 urte)
Listvianka, Kemerovoko oblasta, Errusiako SESF,  Sobietar Batasuna
Lehenengo lanbidea(k) Hegazkinlaria
Graduazio militarra Major jenerala
Denbora espazioan 7 egun eta 32 minutu
OKI(ak), guztira 1
OKI(ak), denbora 12 minutu eta 9 segundo
Misioa(k) Voskhod 2, Soyuz 19/ASTP
Misioaren entseina(k) Voskhod-2 patch.svg ASTP-patch.png
Saria(k) Sobietar Batasuneko Heroia
Leninen Ordena

Alexei Arkhipovitx Leonov (errusieraz: Алексе́й Архи́пович Лео́нов; Listvyanka, Sobietar Batasuna, 1934ko maiatzaren 30a) lehen ontziz-kanpoko ibilaldia egin zuen kosmonauta errusiarra (1965eko martxoaren 18an).

Leonov Sobietar Batasuneko aireko indarretako pilotua zen, eta beste pilotu batzuekin batera hautatua izen zen kosmonauten lehenengo taldea osatzeko 1960an. Kosmonauta sobietar guztiak bezala, Leonov Sobietar Batasuneko Alderdi Komunistako kide izan zen.

Leonoven ontziz-kanpoko ibilaldia "Vostok 11" misioan egitekoa bazen ere, gertaera historikoa "Vosjod 2" misioan jazo zen. Leonovek, 1965eko martxoaren 18an, espazio-ontzi kanpoan 12 minutu eta 9 segundo igaro zituen, 5'35 metroko soka batekin lotua. Ontziz-kanpoko ibilaldiaren amaieran, Leonoven espazio-jantzia puztu egin zen eta ezin zuen berriz sartu ontziko aire-esklusan. Jantziko presioa jaisteko, balbula bat ireki zuen eta horrela kapsulan sartu. Leonovek urte eta erdiz entrenatu zuen misio honetarako.

2011ko urtarriletik aurrera, Leonov Vosjod programan parte hartu zuten bost kosmonautetatik bizirik dagoen bakarra da.

Leonoven bigarren bidaia espaziala lehenengoa bezain esanguratsua izan zen. Apollo-Soyuz misioako sobietarren burua izan zen, Estatu Batuek eta Sobietar Batasunak elkarrekin betetzen zuten lehen misio espazialean.

1976tik 1982ra, Leonov kosmonauta-taldearen komandantea izan zen, eta Juri Gagarin Kosmonauta-entrenamendu gunearen zuzendaria. Neptuno egunkaria (kosmonautei zuzendutakoa) ere editatu zuen.

1991ean erretiratu zen.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Aleksei Leonov Aldatu lotura Wikidatan