Antonio Rossellino
Antonio Rossellino (Settignano, Florentzia, Italia, 1427 - Florentzia, 1479) italiar eskultore eta margolaria izan zen; Bernardo Rossellinoren anaia.
[aldatu] Biografia
Bere garaiko erretratugile ospetsuenetakoa izan zen. Estilo gozoaren jarraitzaile guztiak bezala, formen edertasuna zuen kezka nagusia, baina zenbait lanetan naturalismoa bilatu zuen, Giovanni Chelliniren bustoan esaterako. Bere obretan erretratatutako pertsonaien izaera nabarmendu zuen aurpegiko keinuen eta ezaugarrien bidez, eta antzinako erretratuen tankerako lanak ematen zuten arren, nolabait idealizatuta ageri dira ezaugarri batzuk.
Portugal kardinalaren kapera egin zuen Florentziako San Miniato elizan, Florentziako artearen maisulana. Harenak dira, halaber, Napolin egindako Artzainei deia eta Ama Birjinaren behe-erliebeak.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
