Artistaren langela

Wikipedia(e)tik
Hona jo: nabigazioa, Bilatu
Artistaren langela
Courbet LAtelier du peintre.jpg
Gustave Courbet, 1855
olioa oihalean · Errealismoa
361 × 598 cm
Orsay Museoa

Artistaren Langela (frantsesez L'Atelier du peintre) 1855ean Gustave Courbetek margotutako oihal gaineko olio-pintura da. Parisko Orsay museoan dago egun.

Margolaneko irudiak artistarengan eragina izan zuten alegoriak dira. Ezkerraldean, gizarte maila guztietako gizakiak daude. Erdialdean, Courbet paisaia bat egiten ari dela agertzen da, arte akademikoaren ikurra den modelo biluztu bati bizkarra emanda. Eskuinaldean Courbeten lagunak daude, hala nola George Sand, Charles Baudelaire, Champfleury, Pierre-Joseph Proudhon, edo Alfred Bruyas.

Diego Velázquez-en Las Meninas margolanak eraginda, Artistaren langelak, bere aldetik, eragina izan zuen Edouard Manet-en lehenengo margolanetan: Musikari zaharra eta Musika Tuilerietan hain zuzen ere.

Parisko 1855eko Munduko Erakustaldian, epaimahaiak Courbeten zenbait lan onartu zituen, baina honako hau ez. Hori zela eta, bere burua zabaltzeko, Courbetek bere erakustokia iraki zuen erakustali ofizialetik gertu. Baina goraipamen gutxi jaso zituen, Eugène Delacroix izanik babestu zuten margolari bakanetakoa.