Artikulu hau jainkosari buruzkoa da; beste esanahietarako, ikus «Aura».
Antzinaro klasikoan, Aura[1] (antzinako grezieraz: Αὔρα edo Αὔρη) brisaren jainkosa eta titan bat izan zen. Peribea ozeanidearen eta Lelanto titanaren alaba, haizea bezain azkarra zen. Aurak Artemisaren kideekin ehizatzen zuen. Dioniso Auraz maitemindu zen baina alferrik saiatu zen lasterka harrapatzen. Aurak, berak baino arinago izanda, beti lortzen zuen ihes egitea, harik eta Afroditak, jainkoaren eskaerari erantzunez, erotu zuen arte. Honela, Dionisori errenditu zen, eta bi seme izan zituen berarekin, bikiak zirenak. Bere eromenean, Aurak, bat hil zuen, eta, ondoren, bere burua Sangario ibaira bota zuen. Orduan, Zeusek Aura iturri bihurtu zuen. Bikietako bat Jako izan zen.[2] Artemisak garaiz salbatu zuen Jako, Dionisori sagaratuko ziona.
Datuak: Q774101
Multimedia: Aura (deity) / Q774101