Bartolomeu Dias

Bartolomeu Diasen estatua (Londres).

Bartolomeu Dias (Algarve, Portugal, 1450 - Esperantza Onaren lurmuturra, 1500) portugaldar itsasgizona izan zen.

Biografia

Behaim kosmografo eta itsasgizonaren ikaslea izan ondoren, Afrikara bidali zuen Portugalgo Joan II.ak. «Ekaitzen lurmuturra», egungo Esperantza Onaren lurmuturra, igaro zuen lehen itsasgizona (1487-1488) izan zen. Vasco da Gamari Indiara lagundu zion 1497an, eta Pedro Alvares Cabrali Brasila 1500ean. Azken bidaia horretan galdu zuen bizitza.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.