Carlo Gozzi

Carlo Gozzi kondearen erretratua

Carlo Gozzi kondea (Venezia, 1720 - 1806) italiar idazlea izan zen; Gasparo Gozzi (1713-1786) satira-idazlearen anaia.

Biografia

Chiarirekin batera Goldoniren kontra jarri zen, hark antzinako commedia dell´arte baztertu nahi izan zuenean. Commedia dell´arteko pertsonaiei beren indar guztia eman zien berriro. L´amore delle tre melarance (1761, Hiru laranjen maitasuna), Il Corvo (1762, Belea), Il Rè cervo (1762) eta Turandot (1762) obrekin Alemaniako erromantizismoak geroago hartuko zuen bidearen aitzindari izan zen. Gozziren lanetan oinarritu ziren zenbait musikari.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.