Cheryl Diaz Meyer
| Cheryl Diaz Meyer | |
|---|---|
| Bizitza | |
| Jaiotza | Quezon City, 1968ko otsailaren 25a (56 urte) |
| Herrialdea |  Filipinak  Ameriketako Estatu Batuak |
| Bizilekua | Washington |
| Hezkuntza | |
| Heziketa | University of Minnesota Duluth (en)  Western Kentucky University (en) |
| Jarduerak | |
| Jarduerak | kazetaria, argazkilaria eta fotokazetaria |
| Enplegatzailea(k) | The Dallas Morning News (en) The Washington Post (1993 - 1994) Star Tribune (en) (1994 - 1999) |
| Jasotako sariak | ikusi
|
  | |
Cheryl Díaz Meyer (Quezon Hiria, Filipinak, 1968ko otsailaren 25a) Filipinetako eta AEBetako fotokazetari independentea da. Argazki-editorea, bideo-sortzailea, ekoizlea, idazlea eta txostengilea ere bada.
Pulitzer eta Visa d’or sariak jaso zituen, gerra-eremuan eta hondamendi-ondoko eremuan egindako lanarengatik.[1][2]
Biografia[aldatu | aldatu iturburu kodea]
Gaztaroa eta ikasketak[aldatu | aldatu iturburu kodea]
Cheryl Díaz Meyer 1968ko otsailaren 25ean jaio zen, Quezon Hirian. Filipinetan eta Japonian hazi zen, eta urtebete igaro zuen Alemanian, eskola-truke batean, 1981ean Estatu Batuetara joan aurretik.[3][4]
Minnesotako Unibertsitatean (Duluth) ikasi zuen, non arte lizentziatura bat lortu baitzuen, alemanezko goragarri eta guzti, eta, gero, Kentucky Western Unibertsitatean, non fotokazetaritzako lizentziatura lortu baitzuen.
Kazetaritza-karrera[aldatu | aldatu iturburu kodea]
Cheryl Díaz Meyer 1993an hasi zen argazkilari-ikasle gisa The Washington Post egunkarian. Hurrengo urtean, Star Tribune-k kontratatu zuen Minneapolisen. Bost urtez lan egin zuen bertan, eta, ondotik, Dallas Morning News-era joan zen.
Texasko egunkariak Irakeko gerra estaltzera bidali zuen. 2003an, Opération Liberté pour l‘Irak erreportajeak Visa pour l’image argazki-jaialdian eguneroko prentsaren Urrezko Bisa eskuratu zuen, Perpinyàn.[5] 2004an, gaurkotasuneko argazkilaritzaren Pulitzer saria irabazi zuen David Leesonekin, “Irakeko gerraren indarkeria eta izaera hunkigarria aldi berean erakusten duten argazki elokuenteengatik”.
Cheryl Diaz Meyerrek, gerra-eremuan egindako lanagatik ezaguna, Harvard Unibertsitateko Nieman Reports-etan berak izandako esperientziak kontatu zituen, 2006an.[6]
2014tik 2017ra, McClatchy Companyren ikusizko editorea izan zen Washingtonen. Panamako paperak delakoari buruzko lanetan parte hartu zuen, zeinak Pulitzer saria jaso baitzuten 2017an.[7]
Bere lana Le Monde, New York Times, Los Angeles Times, Chicago Tribune, China Daily, Newsweek, Der Spiegel eta beste aldizkari batzuetan argitaratu izan da.[8] Hainbat liburutan ere aurki daitezke bere argazkiak, besteak beste, liburu hauetan: Desert Diaries: Photojournalists on the War in Iraq (Channel Photographics-en argitaratua) eta The War in Iraq (Life-n argitaratua).[9]
Cheryl Díaz Meyer Washington Hirian bizi da, eta bertan lan egiten du.
Sariak eta goraipamenak[aldatu | aldatu iturburu kodea]
- 2001: The John Faber Award, Overseas Press Club of America (Dallas Morning News[10])
- 2003: Eguneroko prentsaren urrezko Visa pour l’image jaialdian (Dallas Morning News)
- 2004: David Leeson (Dallas Morning News) gaurkotasuneko argazkilaritzaren Pulitzer saria
- 2017: Gaurkotasuneko argazkilaritzaren Pulitzer saria (McClatchy Company)
- 2018: The Eyes of History: Still Contest (hainbat sari), Etxe Zuriko Prentsa Argazkilarien Elkartekoa (WHNPA), kazetari independente gisa[11]
- 2020: Oversea Press Club of America Feature Photography Award, Comfort Women seriearengatik[12]
Erreferentziak[aldatu | aldatu iturburu kodea]
- ↑ David Leeson and Cheryl Diaz Meyer of The Dallas Morning News. .
- ↑ Visa d’or (Magazine / Paris Match News / Presse Quotidienne). .
- ↑ Cheryl Diaz Meyer. .
- ↑ Malubay, About the Author / Carmie. (2018-05-11). Behind The Lens: Interview with Cheryl Diaz Meyer. .
- ↑ «Les images primées au cours du festival» lemonde.fr 2003-09-08.
- ↑ War Teaches Lessons About Fear and Courage. .
- ↑ Franco Ordoñez. (10 avril 2017). McClatchy DC and Miami Herald win Pulitzer Prize for Panama Papers. .
- ↑ «Comment Houston sort du chaos après le passage de l’ouragan Harvey» Le Monde.fr 2017.
- ↑ Cheryl Diaz Meyer « Northern Short Course. .
- ↑ 2001 OPC Award Winners. 2002-04-22.
- ↑ 2018 Eyes of History: Still Contest. .
- ↑ Overseas Press Club of America Announces Annual Award Winners. 2021-04-06.
Ikus, gainera[aldatu | aldatu iturburu kodea]
Kanpo estekak[aldatu | aldatu iturburu kodea]
 |
Euskarazko Wikipedian bada atari bat, gai hau duena: journalisme |
| Autoritate kontrola |
|
|---|
Datuak: Q23905427