Donegal

Donegal Dún na nGall
Donegal udalerriko irudia.
Estatua	Irlandako Errepublika
Herrialdea Lurralde Historikoa Konderria	Ulster Donegalgo konderria
Herritarra	Donegaldar
Koordenatuak	54°39′13.61″N 8°06′36.85″W
Donegal
Garaiera	32 m
Biztanleria	2.330 bizt. (2006)
http://www.donegaltown.ie/

Donegal (irlanderaz Dún na nGall) Irlandako ipar-mendebaldeko Donegal konderriko udalerri bat da. Sarritan, ingelesez, izen bereko konderritik ezberdintzeko Donegal Town izenez ere deitu ohi da. Nahiz eta udalerri honek konderriari bere izena eman, ez da konderri honetako udalerririk populatuena (Letterkenny da).

Bertakoek udalerri honetako erdiguneari the Diamond ezizenez ("Diamantea") deitu ohi diote, diamantearen oinplanoa baitu, gune hau nahiko jendetsua delarik.

Etimologia

Irlanderazko Dún na nGall izenak "atzerritarren gotorlekua" esan nahi du. Badirudi XI mendean vikingoek gotorleku bat eraiki zutela bertan, 1159an suntsitua izan zena.

Historia

Aurrehistoriatik populatua izan den eremua da.

Kondairak dioenez San Patrizio piratek bahitu ondoren inguru honetan utzi zuten aske. Inguruko lurretako jendea kristautzen hasi zen orduan.

Irlandaren historian oso garrantzitsua izan zen O'Donell familiaren egoitza zen. O'Donelldarrak XV eta XVII artean ingelesen kolonizazio nahiaren aurkari sutsuak izan ziren. Garai hartakoa da Donegal gaztelua. 1607an ingelesek herria berenganatu eta Basil Brooke kapitainak eskuratu zituen lurrak. Berak planifikatu zuen herria erdiguneari diamante itxura emanez. XX menderarte Gore familiaren lurralde zabalaren barnean egon zen Donegal.

Ondasun nabarmenak

• Donegal gaztelua
• XV mendeko Monastegi frantziskotarraren aztarnak
• Donegal Craft Village: Artisautza eremua.

Turismoa

Hainbat hondartza ditu eta surfa egiteko kostalde egokia da. Bluestack mendiak igotzeko abiapuntu egokia ere bada.

Iruditegia

• 

  Donegal gaztelua.

• 

  the Diamond gunea.

• 

  Kale nagusia.

• 

  Gauez.

Kanpo loturak

• Donegal udalerriko webgunea (Ingelesez)