Evaristo Bustintza

Evaristo Bustintza Lasuen, ezagunagoa Kirikiño ezizenez (Mañaria, Bizkaia, 1866ko urriaren 26 - Mañaria, 1929ko urtarrilaren 31n) euskal idazle eta kazetaria izan zen.

Ipuinak eta artikuluak idatzi zituen bere inguruko euskalkian, mendebaleko euskaran. Lanik ezagunenetarikoa "Abarrak" da, ipuin laburren bilduma.

Bere etxean, Zumelaga izenekoan, hil zen. Bere iloba Basile Bustintzarekin ezkondu zen, eta Errose Bustintza idazlearen osaba eta ezkonanaia izan zen.

Lanak

Hogei urtetan Hizkuntzaren Katedra eduki zuen Bizkaiko Foru Aldundian, Resurrección María Azkuek emana. "Euzkadi" egunkari jeltzalean euskaraz idatzi zuen 1913az geroztik.

Halaber, aldizkari hauetan ere artikuluak idatzi zituen: "Euskalzale", "Euzko gogoa", "Euzkerea", "Euskalherria", "Gure Herria", "Eusko Deya" eta "Ibaizabal".

Narrazioa

• Antton Berakatz monologoa (1914).
• Abarrak (idatziriko irakuragitxuak) (1918, Grijelmo)
• Bigarrengo Abarrak (1980, GEU)

Artikuluak

• Edo geuk iñok ez euskeraren alde (1984, Labayru)
• Egunekoa (1981, Labayru)
• Guda Nagusia (1914-1918) (1989, Labayru)
• Aberriaren alde, artikulu politikoak (2005, Labayru)

Ikus, gainera

• Bizkaiko idazleen zerrenda

Kanpo loturak

• (Euskaraz) Ebaristo Bustintza literaturaren zubitegian
• (Euskaraz) "Abarrak" Susa-literaturan
• (Gaztelaniaz) epdlp

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.