Eduardo Madina

Eduardo Madina, 2007an.

Eduardo Madina Muñoz (Bilbo, Bizkaia, 1976) politikaria da, PSE-EE alderdikoa. Historia Garaikidean lizentziaduna da Deustuko Unibertsitatean.

Hamazazpi urterekin Euskadiko Gazte Sozialisten kide egin zen. Zinegotzi izan zen hainbat urtez Sestaoko Udalean, eta 2004az geroztik diputatua da Espainiako Legebiltzarrean. 2002tik 2005era Euskadiko Gazte Sozialisten Politika Instituzionaleko idazkari nagusi izan zen. PSE-EEko Zuzendaritza Batzordeko eta PSOEko Batzorde Federaleko kide da. 2002an ETAk bonba-lapa bat jarri zuen Madinaren autoaren azpian. Eztandaren ondorioz, ezker zangoa galdu zuen belaunetik behera.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.