Euterpe

Euterpe
	Antzinako Greziako erlijioa
Ezaugarriak
Sexua	emakumezkoa
Familia
Aita	Zeus
Ama	Mnemosine
Bikotekidea(k)	Strymon (en)
Seme-alabak	Rhesus of Thrace (en) eta Olynthus (en)
Anai-arrebak	Klio, Kaliope, Melpomene, Urania, Terpsikore, Erato, Polimnia eta Talia

Greziar mitologian, Euterpe^[1] (antzinako grezieraz: Ευτέρπη, "Oso atsegingarria", "Genio atseginekoa", "umore onekoa"), musikaren musa da, gainontzeko musak bezala, Zeus eta Mnemosineren alaba. Bereziki, txirula jotzearen artearen babeslea zen. Oro har, lorez koroatua eta bere eskuetan txirula bikoitza daramatzala irudikatzen da. Beste batzuetan, beste musika tresna batzuekin irudikatzen da: biolinak, gitarrak, danborra, etab... Garai klasikoaren amaieran, olerkaritza lirikoaren musa bezala izendatzen zen eta eskuan txirula bat duela irudikatzen zen.

Gutxi batzuk, aulosa edo txirula bikoitza asmatu zuela diote, greziar mitologiaren aditu gehienek, ohore hori Atenea jainkosari ematen dioten bitartean, Marsiasen eta honek Apolorekin izan zuen dueluaren mitoan ezagutarazten den bezala. Estrimon ibaiak utzi zuen Euterpe haurdun. Bere seme Reso Traziakoak, traziar armada bat zuzendu zuen, eta Diomedesen esku hil zen Troian, Homerok Iliadan idatzi zuen arabera.

Bere izena, grezierazko eu (ondo) eta τέρπ-εω (poztu) hitzetatik dator.