Sami Lurraldea (Finlandia)

Finlandiako Sami Lurraldea (finlandieraz: Saamelaisten kotiseutualue; iparraldeko samieraz: Sámiid ruovttuguovllu) Finlandiako Lappi lurralde iparraldeko autonomia murriztu bat duen inguru berezi bat da. Sami kultura eta hizkuntzari buruzko auzietan erabakiak hartzeko boterea du Finlandiako konstituzioaren arabera, bertan herrialdeko samien erdia bizi baita. 1973. urtean sortu zen.

Inguru berezi hau Enontekiö, Inari eta Utsjoki udalerriek eta Sodankylä udalerriko iparraldeko zati batek osatzen dute, eta lau horien artean Finlandiako Sami Parlamentua aukeratzen dute, lau urtean behin antolatzen diren hauteskundeetan. Hauteskunde hauetan samiek beste inork ez dezake bozkatu; parlamentuak erabaki duenez, sami horiek gutxienez herri honen parte sentitu eta ama hizkuntza samiera duten guraso edo aitona-amonaren bat eduki behar dute. Guztira, 3.000 pertsonak baino gehixeagok bozkatu dezakete.